ކުރީގެ ރައީސް ޔާމިން މި ސަރުކާރާ ދުރަށް ދިޔައީ އެމަނިކުފާނުގެ ދަރިކަލުން ޒެއިންއަށް ޓުރައިޒަމް މިނިސްޓަރުކަން ނުދީގެން ކަމުގައި ބާރަށު ދާއިރާގެ މެމްބަރު އިބުރާހިމް ޝުޖާއު ވިދާޅުވެއްޖެއެވެ.
މިސަރުކާރު އެމަނިކުފާނު ދުރަށް ދާން ޖެހުނީ މިސަރުކާރުން ހަދަމުންދާ ގޯސްތަކަށް ކެތް ނުވެގެންކަމަށް ވިދާޅުވެ ދެއްކެވި ވާހަކަފުޅުތަކަށް ރައްދު ދެއްވަމުން ޝުޖާއު ވިދާޅުވީ ޔާމިން މި ސަރުކާރު ދޫކޮށްލެއްވީ 23 ނޮވެމްބަރު 2023 ވީ ބުރާސްފަތި ދުވަހު ކަމަށާއި އޭގެ ސަބަބަކީ ޒެއިންއަށް ޓުއަރިޒަމް މިނިސްޓަރުކަން ނުދީގެން ކަމުގައެވެ.
ކީކޭ؟ހަދާ ގޯސްތަކުންނޭ؟ބަލަގަ މަނިކުފާނު ޕާޓީ ދޫކޮށް ވަޑައިގެންނެވީ 23 ނޮވެމްބަރ 2023 ވީ ބުރާސްފަތި ދުވަހު.އެއީ ރައީސް މުއިއްޒު ގެ ވެރިކަމަށް 6 ވަނަ ދުވަސް.އެ 6 ދުވަސް ތެރޭ ސަރުކާރުން ހެދީކޮން ގޯހެއް؟ ތިހެން ވިދާޅު ނުވޭ! ޒެއިންއަށް ޓްއަރިޒަމް މިނިސްޓަރ ކަން ނުދީގެންނޫންތަ؟
ޝުޖާއުގެ އެކްސް ޕޯސްޓުގައި ވިދޅުވެފައި ވެއެވެ.
ޝުޖާއު ޔާމިންއަށް ފާޑު ވިދާޅުވެފައިވާއިރު، މަޖިލިސް ރައީސް އަބުދުއްރަހީމްވެސް މިއަދުވަނީ ޔާމިނަށް ރައްދުދީ އެކްސްގައި ޕޯސްޓު ކޮށްފައެވެ. އަބުދުއްރަހީމްގެ އެކްސް ޕޯސްޓުގައި ވިދާޅުވީ ޔާމިން މިސަރުކާރާ ދުރަށް ދާންޖެހުނީ އެމަނިކުފާނުގެ ހުރި ބޮޑާ ކަމާއި ކިބުރުވެރި ކަމުން ކަމުގައެވެ.
ފަހަކަށް އައިސް ޕީއެންސީންނާއި ޕީއެންއެފްއިން ބާއްވަމުންދާ ޖަލްސާތަކުގައި އެއްޕާޓީ އަނެއް ޕާޓީއަށް ދަނީ ސިޔާސީ ގޮތުންނާއި އަދި ޒާތީގޮތުންވެސް ލީޑަރޝިޕްގެ ބޭފުޅުން އެއްބޭފުޅަކު އަނެއް ބޭފުޅަކަށް ރައްދު ދެމުންނެވެ.
