ހޮލީވުޑްގެ މަޝްހޫރު ބަތަލާ މޭގަން ފޮކްސް އިނީ އޭނާގެ ހަތަރުވަނަ ދަރިފުޅަށް ބަލިވެ ކަމަށް މީޑިއާ ރިޕޯޓްތަށް ބުނެފިއެވެ.
އޭނާ ބަނޑު ބޮޑުކަމުގެ އަޑު ގަދަވެފައި މިވަނީ މިފަހުން ނެރުނު މޭގަންގެ ބައިވެރިޔާ އެމްޖީކޭގެ މިއުޒިކް ވީޑިއޯއެއްގައި އޭނާ ބަނޑުބޮޑު ކަމަށް ފެނުމުންނެވެ. އެއާއި އެކުގައި އޭނާ އަސްލަށް ވެސް ބަނޑުބޮޑު ކަމަށް ވަނީ މީޑިއާއިންނާއި އާންމުން ބުނަން ފަށައިފައިއެވެ.
ނަމަވެސް މިކަމާއިި ގުޅޭ ގޮތުން އަދި ރަސްމީކޮން އެއްވެސް ވާހަކައެއް އެ ދެމީހުން ދައްކައިފައިއެއް ނުވެއެވެ. ނަމަވެސް މީގެ ކުރިން ވެސް އޭނާ ހަތަރުވަނަ ކުއްޖަކަށް ބަލިވެ އިންކަން ހާމަ ކުރުމަށް ފަހު ބައިގެން ދިއަ ކަމަށް ވަނީ ބުނެފައިއެވެ.
މޭގަން އާއި ބްރައިން އޯސްޓިން ގްރީން ގެ 16 އަހަރުގެ ލޯބިގެ ގުޅުން ނިމުމަކަށް ގެނައި އިރުގައި އެދެމީހުން ގެ ތިން ކުދިން ތިއްބެއެވެ. މޭގަން އާއި ބްރައިން ލޯބީގެ ގޮތުން ގުޅިފައި ވަނީ 2004 ވަނަ އަހަރު އެވެ. ހަ އަހަރު ވަންދެން ރައްޓެހިވެގެން އުޅުމަށް ފަހު 2010 ވަނަ އަހަރު މި ދެތަރިން ވަނީ ކައިވެނިކޮށްފަ އެވެ. ނަމަވެސް އޭގެ 16 އަހަރު ފަހުން 2021 ވަނަ އަހަރު އެކައިވެނި ވަނީ ރޫޅީފައިއެވެ.
