މޯލްޑިވްސް ޓްރޭޑް އެސޯސިއޭޝަން (އެމްޓީއޭ)އިން ބޭއްވުމަށް ހަމަޖައްސާފައިވާ "މިނިވަން އުފާ ނައިޓް މާރކެޓް"ގެ މީޑިއަރ ޕާޓްނަރަކަށް "ޚަބަރު އޮންލައިން" ހަމަޖައްސައިފިއެވެ.
އެމްޓީއޭއިން ކުރި އެކްސް ޕޯސްޓެއްގައި އެ ޖަމިއްޔާއިން ބުނެފައިވަނީ، ނައިޓް މާރކެޓާއި ގުޅުންހުރި ހުރިހާ މައުލޫމާތެއް ތާޒާކަމާއެކު ގެނެސްދިނުމަށް "ޚަބަރު އޮންލައިން" ހަމަޖައްސާފައިވާ ކަމުގައެވެ. އަދި އެނޫހާއެކު ކުރެވުނު އެއްބަސްވުމުގެ ދަށުން "މިނިވަން އުފާ ނައިޓް މާރކެޓް"އާއި ގުޅުން ހުރި އިވެންޓްތަކާއި، އަދި ޚަބަރުތައް ވިޔަފާރިވެރިންގެ އޯޑިއަންސާއިހަމައަށް ތާޒާކަމާއެކު ފުރިހަމަ މައުލޫ މާތު ގެނެސް ދެމުންދާނެ ކަމުގައެވެ.
We are excited to announce that "Khabaru Online" has been selected as the official media partner for MTA’s "Minivan Ufa Night Market".
"Khabaru Online" will showcase this vibrant event and bring the latest news to our audience.
We thank "Khabaru Online" for their partnership and… pic.twitter.com/rntMQss8NK— Maldives Trade Association (@MTASecretariat) July 31, 2024
އެމްޓީއޭއިން ހާމަ ކޮށްފައިވާ ގޮތުގައި، މި ނައިޓް މާރކެޓްގައި ރާއްޖޭގައި ފުޅާ ދާއިރާއެއްގައި ބައިވެރިވާ 100 އަށްވުރެ ގިނަ ވަޔަފާރަވެރިން ބައިވެރި ވާނެއެވެ. އަދި މާދަމާ ރޭ 8:30 ގައި ނައިޓް މާރކެޓް ރަސްމީކޮށް ހުޅުވިގެންދާނީ އެކަމަށްޓަކާ ބާއްވާ ޚާއްސަ ރަސްމިއްތަކާއެކުވެ. އެ ރަސްމިއްޔާތުގައި ރާއްޖޭގެ މަޝްހޫރު ހޭވައްލާ ބޮޑުބެރު ގުރޫޕްގެ ބޮޑުބެރު އިވެންޓެއް އޮންނާނެ ކަމަށްވެސް އެމްޓީއޭއިން ބުނެފައި ވެއެވެ.
އެމްޓީއޭގެ ނައިޓް މާރކެޓް ހުޅުއްވައި ދެއްވުމަށް ހަމަޖެހިފައިވަނީ އިގްތިސާދާބެހޭ ވަޒީރު މުހައްމަދު ސައީދުއެވެ.
މޯލްޑިވްސް ޓްރޭޑް އެސޯސިއޭޝަން (އެމްޓީއޭ)އަކީ ވިޔަފާރިވެރިންގެ ހައްގުގައި މަސައްކަތް ކުރުމަށް އުފައްދާފައިވާ ޖަމިއްޔާއެކެވެ. އެގޮތުން އެޖަމިއްޔާއިން ވަނީ ފާއިތުވެދިޔަ ތަނުގައި، ވިޔަފާރިވެރިންނަށް ކުރިމަތިވާ ބައެއް މައްސަލަތަކަށް ހައްލު ހޯދުމަށް ސަރުކާރާއި ދައުލަތުގެ ބައެއް މުވައްސަސާތަކާއި ގުޅިގެން މަސައްކަތް ކޮށްފައެވެ.
