މަޝްހޫރު ބަތަލާ ކެޓްރީނާ ކައިފް އޭނާގެ އަލަތު ދަރިފުޅަށް ބަލިވެ އިންކަމަށް ބުނެ މީޑިއާގައި ފަތުރަމުންދާ ވާހަކަތައް އޭނާގެ ފިރިމީހާ އަދި އެކްޓަރު ވިކީ ކައުޝަލް ދޮގުކޮށްފި އެވެ.
އެ އަޑު ގަދަވެފައިވަނީ އިންޑިއާގެ މަހުޖަނު މުކޭޝް އަންބާނީގެ ހަގު ދަރިފުޅު އަނަންތު އަންބާނީ ގެ ކައިވެނީގެ ހަފްލާގައި ކެޓްރީނާ އަޅައިގެން ހުރި ސާޅިން އޭނާގެ ބަނޑު ވަރަށް ބޮޑަށް ފާހަގަވާން ހުރުމުންނެވެ.
View this post on Instagram
އެ ހަފްލާ އަށް ކެޓްރީނާ ގޮސްފައިވަނީ ވަރަށް ނިވާކަން ބޮޑު ސާޅީ އެއް ލައިގެންނެވެ. އެހެންވެ ގިނަ ބަޔަކު ބުނެފައިވަނީ އެއީ އޭނާ ބަނޑުބޮޑު ކަން ސިއްރު ކުރަން ވެގެން ކަމަށެވެ. އަދި އެއް ފަރާތަކުން ނަގައިފައިވާ ފޮޓޯ ތަކުން އޭނާ ބަނޑު ބޮޑުކަމަށް ދައްކައިވެސް މެއެވެ.
ނަމަވެސް މި ވާހަކަ ވިކީ މިހާރު ވަނީ ދޮގުކޮށްފަ އެވެ. މީގެ ކުރިންވެސް ކައިވެންޏަށް ފަހުގައި ދޭތެރެ ދޭތެރެއިން ކެޓްރީނާ ބަނޑު ބޮޑުކަމުގެ ހަބަރުތަށް ވަނީ ފެތުރިފައިއެވެ. މިދިޔަ އާދިއްތަ ދުވަހު ބޭއްވި އިވެންޓެއްގައި ފޭނަކު ވަނީ ކެޓްރީނާ ބަލިވެއިން ވާހަކައަކީ ތެދެއްތޯ ވިކީ ގާތުގައި އަހައިފަ އެވެ.
އެއާއި އެކުގައި ވިކީ ބުނެފައިވަނީ ބަނޑުބޮޑު ވުމުގެ ހަބަރަކީ ވަރަށް އުފާވެރި ހަބަރެއް ކަމަށާއި އެކަމުގެ ވަގުތު ޖެހުމުން އެ އުފާވރި ހަބަރު ވެސް މީޑިއަށް ލިބިގެން ދާނެ ކަމަށެވެ.
View this post on Instagram
ވިކީ އާއި ކެޓްރީނާ ކައިވެނި ކުރީ ވަރަށް އާދައިގެ ހަފްލާއެއްގައި ހަމަ އެކަނި އާއިލާ އާއި ގާތް ރަހުމަތެރިންގެ ހާޒިރުގައި ޑިސެމްބަރު 9، 2021 ގަ އެވެ.
