މޯލްޑިވިއަންއިން ޓްރިވެންޑްރަމްއަށް ކުރާ ދަތުރުތައް އިތުރު ކޮށްފިއެވެ. އެކުންފުނިން ބުނެފައިވަނީ، މިމަހުގެ 22 ވަނަ ދުވަހުން ފެށިގެން ކޮން ހަފްތާއަކުވެސް ހޯމަދުވަހު އިތުރު ރިޓާން ފްލައިޓެއް ޓްރިވެންޑްރަމްއަށް ދަތުރު ކުރަމުންދާނެ ކަމުގައެވެ.
ޓްރިވެންޑްރަމްއަކީ ދިވެހި ގިނަ އަދަދަކަށް ބޭސްފަރުވާއަށްދާ މަންޒިލަކަށް ވާތީ، ޓްރިވެންޑްރަމްއަށް މޯލްޑިވިއަންއިން ކުރާ ދަތުރު އިތުރުކުރުމަކީ ގިނަ ބަޔަކަށް ލިބިގެންދާނެ ފަސޭހައެކެވެ.
މޯލްޑިވިއަން އިން އިންޑިއާގެ ބެންގަލޫރަށާއި ކޮޗިންއަށް ވެސް ފްލައިޓް އޮޕަރޭޓް ކުރެއެވެ. އޭގެ އިތުރުން ސްރީ ލަންކާގެ ކޮލަމްބޯ އަށްވެސް މޯލްޑިވިއަންއިން ދަނީ ދަތުރު ކުރަމުންނެވެ.
