މި އަހަރުގެ އެންމެ އުންމީދީ ބޮލީވުޑްގެ ފިލްމުތަކުގެ ތެރޭގައި ހިމެނޭ ހޮރޯ-ކޮމެޑީ "އިސްތިރީ 2″ ގައި ހާއްސަ ފެނިލުމަކުން މަޝްހޫރު ތަރި އަކްޝޭ ކުމާރު ފެނިގެންދާނެ ކަމަށް ރިޕޯޓުތައް ބުނެފިއެވެ.
ކާމިޔާބު އެތަށް ފިލްމް ތަކެއް ކުޅެފައިވާ އެކްޓަރު މި ފިލްމްގެ ހާއްސަ ފެނިލުމުން ފެނިެގންދާނެ ކަމަށް މީޑިއާއިން ރިޕޯޓް ކުރި ނަމަވެސް ރަސްމީ ފަރާތަކުން އަދި މިކަން ކަށަވަރު ކޮށްދީފައިއެއް ނުވެއެވެ.
މި ފިިލްމަކީ ޕްރޮޑިއުސަރު ދިނޭޝް ވިޖަންގެ މެޑޮކް ފިލްމްސް އިން 2018 ގައި ގެނެސްދީގެން ބޮޑު މަގުބޫލުކަމަކާއި ބޮކްސް އޮފީހުގައި ހައިރާން ކުރުވަނިވި ވަރުގެ އާމްދަނީއެއް ވެސް ހޯދި "އިސްތިރީ" ގެ ސީކްއެލް އެވެ.
މި ފިލްމުގެ ފުރަތަމަ ބައި 2018 ގައި ރިލީޒް ކުރުމުން ބޮޑު ކާމިޔާބީ އެއް ލިބިފައިވެ އެވެ. އަދި މި ފިލްމު ވަނީ 64 ވަނަ ފިލްމްފެއާ އެވޯޑްސް ގައި 10 ކެޓަގަރީއަކަށް ނޮމިނޭޓްވެފަ އެވެ.
ޝްރައްދާ ކަޕޫރާއި ރާޖްކުމާރު ރާއޯގެ އިތުރުން މި ފިލްމުގައި ޕަންކާޖް ޓްރިޕާތީ، އަބީޝެކް ބެނާޖީވެސް މުހިއްމު ރޯލު ތަކެއް އަދާކުރެ އެވެ.
