ބޮލީވުޑްގެ މިހާރު ގެ އެންމެ ޑިމާންޑް ބޮޑު އެއް ބަތަލާ އާލިއާ ބަޓް އާއި އަލަށް އަރަމުން އަންނަ ޒުވާން ބަތަލާ ޝަރުވާރީ ވާގް އަށް ފިލްމް އަކުން ފުރުސަތު ލިބިއްޖެއެވެ.
މިކަމާ އުފަލުން ވާހަކަ ދައްކަމުން ޝާރުވަރީ ބުނީ މިހާރު އެންމެ ކަމުދާ ބަތަލާ އަކީ އާލިއާ ބަޓް ކަމަށާއި އޭނައަ އެކީ މަސައްކަތް ކުރަން ލިބުމަކީ ވަރަށް ބޮޑު އުފަލެއް ކަމަށެވެ.
ޔަޝްރާޖް ފިލްމްސް (ވައިއާރްއެފް) ގެ 2021 ގެ "ބަންޓީ އޯރް ބަބްލީ 2″ އިން ބޮލީވުޑަށް ތައާރަފުވި 27 އަހަރުގެ ބަތަލާބުނީ އާލިއާއާ އެކީ ފިލްމެއްގެ މަސައްކަތް ކުރަން ލިބުމަކީ ވަރަށް ވެސް ހާއްސަ ކަމެއް ކަމަށެވެ. އެހެންވެ އޭގެ މަސައްކަތް ފަށަން މިހާރު ކެތްމަދުވެފައި ހުރި ކަމަށް ޝަރުވާރީ ބުންޏެވެ.
އޭނަ އާއި އާލިއާ އެކީގައި ކުޅެން ހަމަޖެހިފައިވާ ފިލްމަކީ ވައިއާރްއެފްގެ ސްޕައި ޔުނިވާސް އަށް ނިސްބަތްވާ ބަތަލާއިން ލީޑްކުރާ ފުރަތަމަ ފިލްމެވެ. އަދި ރަސްމީކޮށް އިއުލާން ނުކުރާ މި ފިލްމުގެ މަސައްކަތް މި އަހަރުގެ ފަހުކޮޅު ފެށުމު މަސައްކަތް މިހާރު އަންނަނީ ބާރު ސްޕީޑުގައި ކުރަމުންނެވެ.
