އެމްޑީޕީގެ ގައުމީ މަޖިލިސްގެ މާލޭ ދާއިރާގެ ބައި-އިލެކްޝަނުގައި ވާދަކުރުމަށް އެ ޕާޓީގެ ކުރީގެ ޗެއަރޕާސަން މޫސާ މަނިކު (ރީކޯ މޫސާ) ޝަރުތު ހަމަނުވާކަމަށް އެޕާޓީން އޭނާއަށް އަންގައިފިއެވެ.
މޫސަ ހުށަހެޅުއްވި ހުށަހެޅުން ބަލައިނުގަތުމަށް އެމްޑީޕީން ނިންމާފައިވަނީ އެ ޕާޓީގެ ފިޔަވަޅު އަޅާ ކޮމިޓީއަށް ހުށަހެޅުނު މައްސަލަ ބެލުމަށްފަހު އެ ޕާޓީން މޫސާ މަނިކު ވަކިކުރަން ނިންމާފައިވާ ނިންމުމުގައި، މޫސަ އަލުން އެޕާޓީއަށް ވަދެވަޑައިގަތަސް އެ ދުވަހުން ފެށިގެން 5 އަހަރު ދުވަހަށް ޕާޓީގެ އެއްވެސް މަޤާމަކަށް އަދި އެއްވެސް ޕްރައިމަރީއެއްގައި ވާދަ ނުކުރެވޭ ގޮތަށް، ކުރިން އެޕާޓީން ނިންމާފައިވާ ނިންމުމަކާ ގުޅިގެންކަމަށް އެމްޑީޕީން ވަނީ މޫސައަށް އަންގާފައެވެ.
ކީކޭދެން ބުނާނީ؟ MDPގެ ލީޑަޝިޕުން އަޅުގަނޑަށް މިހާވަރެއް ކުރަންމިޖެހެނީ ކޮންސަބަބަކާހުރެތޯ؟ އެއްވެސް ކަމެއްގަ ބައވެރިވުމުގެ ކުޑަވެސް ފުރުސަތެއް ނެތް.2014 ގަ ޕާޓީން ކަނޑާލީވެސް ނަޝީދުއަށްވެރިކަން ލިބުމުގަ ހުރަހަކަށްވާތީކަން ޔަޤީން މިހާރުވެސް އެ ބިރު pic.twitter.com/sVBKTkKOJX
— Moosa Maniku (Reeko) (@ReekoMoosa) July 8, 2024
އެމްޑީޕީން މޫސައަށް އަންގާފައިވަނީ މި ނިންމުމަށް ބަދަލެއް ގެންނަން ނުފެންނަ ކަމަށް އެމްޑީޕީގެ އިސްތިއުނާފު ފަނޑިޔާރު މަޖިލީހުން ނިންމާފައިވާ ކަމަށެވެ.
މި ނިންމުމާ ގުޅިގެން މޫސާ މަނިކު ވަނީ އެކްސްގައި ޕޯސްޓެއް ކުރައްވާ ކަންބޮޑުވުން ފާޅުކުރައްވާފައެވެ.
