ވިކީ ކޯޝަލާއި ޓްރިޕްތީ ދިމްރީގެ އިތުރުން އައްމީ ވާކް ލީޑުން ފެނިގެންދާ ފިލްމް "ގުޑް ނިއުސް" ގެ ފުރަތަމަ ލަވަ "ތޯބާ ތޯބާ" އަށް ހައިރާންވާ ވަރުގެ ތަރުހީބެއް ލިބެމުންއެބަދެއެވެ.
ކަރަން ގެ ދަރްމާ ޕްރޮޑަކްޝަން އިން ގެނެސްދޭ މި ފިލްމްއަކީ ދެހާސް ބާވީހުގެ ތެރޭގައި ޝޫޓިން ނިންމާފައި އޮތް ފިލްމެކެވެ. މީގެ އިތުރުން ފިލްމުގެ ވަރަށް ހާއްސަ ރޯލަކުން ނޭހާ ދޫޕިއާ ވެސް ފެނިގެން ދާނެ އެވެ.
ލަވަ ރިލީޒްކުރިތާ ދެތިން ދުވަސް ތެރޭގައި މި ލަވަ އަށް ވަނީ 20 މިލިއަނަށް ވުރެ ގިނަ ވިއުސް ލިބިފަ އެވެ. މި ލަވައިގެ މިއުޒިކް ވީޑިއޯގެ ކޮރެއޮގްރެފީ ހަދާފައި ވަނީ ބޮސްކޯ-ސީޒާ އިންނެވެ. މި ލަވަ އަކީ ލަވައިގެ ވީޑިއޯއިން ފެންނަ ޕަބްޖާބުގެ މަޝްހޫރު ރެޕް ލަވަކިޔުންތެރިޔާ ކަރަން އައުޖުލާ ލިޔެ، އޭނާ އަމިއްލަ އަށް ކިޔާފައިވާ ލަވައެކެވެ.
މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ "ބޭޑް ނިއުސް" ސިނަމާތަކަށް ގެންނަން ހަމަޖެހިފައި ވަނީ އަންނަ މަހުގެ 19 ގަ އެވެ. މި އަހަރު ދަރްމާ އިން ވަނީ ގެެނެސްދިނުމަށް ގިނަ ފިލްމް ތަކެއް ތާވަލު ކޮށްފައިއެވެ. އަދި ހަމަ އެއާއި އެކީ އަރަމުން އަންނަ ޒުވާން ތަރިންނަށް އެ ޕްރޮޑަކްޝަން ހައުސް އިން ފުރުސަތު އަންނަނީ ލިބެމުންނެވެ.
