ސްޓެލްކޯގެ ކަރަންޓް ކޭބަލްތައް ބުރިކޮށް ވަގަށް ނެގި މީހާ ހައްޔަރުކޮށްފިއެވެ.
މަޖީދިއްޔާ ސްކޫލް ސަރަހައްދުގައި ހުންނަ ސްޓެލްކޯގެ ސަބްސްޓޭޝަނެއްގެ ކޭބަލްތަކެއް ބުރިކޮށް އެ ތަކެތި ވަގަށް ނެގި ކަމުގެ ތުހުމަތުގައި މިއަދު ހައްޔަރު ކޮށްފައި ވަނީ 32 އަހަރުގެ ދިވެހި ފިރިހެނެކެވެ.
ފުލުހުން ބުނެފައިވަނީ މި މައްސަލަ ފުލުހުންނަށް ރިޕޯޓް ކޮށްފައިވަނީ މިދިޔަ އަންގާރަ ދުވަހުގެ ވަގުތެއްގައެވެ. އަދި މިމައްސަލަ ތަހުގީގު ކުރަމުންދާ ކަމުގައި ފުލުހުން ވަނީ ބުނެފައެވެ.
