ބޮލީވުޑްގެ ވަރަށް ގާތް ދެރަހުމަތެރިން ކަމުގައިވާ އަޖޭ ދޭވްގަން އާއި ތާބޫ އެކުގައި ފެނިގެންދާ ފިލްމް "އޯރޯ މޭ ކަހާ ދަމް ތާ" ރިލީޒްކުރުން ފަސްކޮށްފި އެވެ.
އެކަން އިއުލާންކޮށް ފިލްމުގެ ޓީމުން ކުރި ސޯޝަލް މީޑިއާ ޕޯސްޓެއްގައި ބުނީ ފިލްމު ފަސްކުރަން ނިންމީ އޭގެ އެގްޒިބިޓަރުންނާއި ޑިސްޓްރިބިއުޓަރުންގެ އެދުމުގެ މަތިން ކަމަށެވެ. އެހެންވެ "އޯރޯ މޭ ކަހާ ދަމް ތާ" ބެލުންތެރިންނަށް ގެނެސްދޭނެ އާ ތާރީހެއް ފަހުން އިއުލާން ކުރާނެ ކަމަށް ބުންޏެވެ.
ނީރަޖް ޕާންޑޭ ޑައިރެކްޓްކޮށްފައިވާ ފިލްމު ފަސްކުރި ސަބަބު މިހާތަނަށް އެ ޓިމުން ހާމަ ކޮށްފައިއެއް ނުވެއެވެ. ނަމަވެސް މިފަހުން އަންނަނީ ބައެއް ފިލްމްތަށް ރިލީޒް ކުރާ ތާރީހަށް ބަދަލު ތަށް ގެންނަމުންނެވެ.
"ސްޕެޝަލް 26″ އަދި |އެމްއެސް ދޯނީ: ދަ އަންޓޯލްޑް ސްޓޯރީ" ފަދަ ފިލްމުތައް ގެެނެސްދީފައިވާ ނީރަޖް ޕާންޑޭ ޑައިރެކްޓްކުރާ 6 ވަނަ ފިލްމަށް މި ފިލްމް ވެގެން ދާނެއެވެ. މި ފިލްމް ގައި މިދެތަރިން އެކުގައި ފެނިގެންދާނީ ވަރަށް ތަފާު ގޮތަކަށެވެ.
ފިލްމަކީ "އާރްއާރްއާރް" ގެ ލަވަ "ނާތު ނާތު" އިން މި އަހަރުގެ އެންމެ މޮޅު އޮރިޖިނަލް ލަވައިގެ އޮސްކާ އާއި ގޯލްޑެން ގްލޯބް އެވޯޑް ހޯދި މިއުޒިކް ޑައިރެކްޓަރު އެމްއެމް ކީރަވާނީ މިއުޒިކް ހަދާ، ފިލްމްއެކެވެ. މި ފިލްމް އަކީ މިއުޒިކަލް ލަވް ސްޓޯރީއެކެވެ.
