ގދ. ފިޔޯރީން ގެއްލިގެން ހޯދި އަށް އަހަރުގެ އަންހެން ކުއްޖަކު ފެނިއްޖެ އެވެ.
ދިވެހި ފުލުހުންގެ ހިދުމަތުން ވަނީ އެ ކުއްޖާ ފެނިފައިވާކަން ކަށަވަރުކޮށްދީފަ އެވެ.
އެ ރަށު ފިނިވިލާގެއަށް ނިސްބަތްވާ މީނާލް ގެއްލުނުކަން ފާހަގަވީ މިއަދު ހަވީރު 17:35 ހާއިރެވެ. އެއާއެކު މީނާލް ހޯދުމުގެ މަސައްކަތް ފިޔޯރީ ރައްޔިތުންނާއި ގުޅިގެން ފުލުހުން ފެށިއެވެ.
ފުލުހުން މިއަދު ވަނީ ޏ. ފުވައްމުލަކު ސިޓީ / ދިގުވާޑް އެފްރޯ، އަހްމަދު އިޔާސް ވަސީމް ގެއްލިގެން ހޯދަން ވެސް ފަށައިފަ އެވެ. ނަމަވެސް ގެއްލިގެން ހޯދަމުންދާ 24 އަހަރުގެ އެ ޒުވާނާ އަދިވެސް ނުފެންނަކަމަށް ފުލުހުން ބުނެފައި ވެއެވެ.
