މިއަހަރުގެ މިނިވަންދުވަހުގެ މުނާސަބަތުގައި މޯލްޑިވްސް ޓްރޭޑް އެސޯސިއޭޝަން (އެމްޓީއޭ)އިން ޚާއްސަ ނައިޓް މާރކެޓެއް ބޭއްވުމަށް ހަމަޖައްސައިފިއެވެ.
އެމްޓީއޭއިން ބުނެފައިވަނީ މި ނައިޓް މާރކެޓް ބޭއްވުމުގެ މަގުސަދަކީ މިނިވަންދުވަހުގެ މުނާސަބަތުގައި، ހިތްފަސޭހަ މާހައުލެއްގައި ވިޔަފާރިކޮށް އަދި، ވިޔަފާރަވެރިންނަށް އެފަރާތްތަކުގެ މުދާ ހެޔޮ އަގުގައި ވިއްކޭނެ ފުރުސަތު ފަހިކޮށްދިނުމުގެ އިތުރުން އާންމު ރައްޔިތުންނަށް ހެޔޮއަގުގައި އެކި ބާވަތްތަކުގެ ތަކެތި ގަނެވޭނެ އިންތިޒާމް ހަމަޖެއްސުމުގެ މަގުސަދުގައި ކަމުގައެވެ.
"މިނިވަން އުފާ ނައިޓް މާރކެޓް"ގެ ނަމުގައި އެމްޓީއޭއިން ބާއްވާ މި ނައިޓް މާރކެޓް ބޭއްވުމަށް ހަމަޖައްސާފައިވަނީ ހުޅުމާލެ ރުށްގަޑު 2 ސަރަހައްދުގައި، އަންނަ އޮގަސްޓް މަހުގެ 1 އިން 7 އަށް ކަމަށްވެސް އެމްޓީއޭއިން ބުނެފައި ވެއެވެ.
MTA is holding its first ever trade event: "Minivan Ufaa Night Market"
This is your chance to showcase your products and maximize your profits.
Venue: Ruhgandu 2, Hulhumale’
Dates: August 1-7, 2024Call Now to Secure Your Slot: 9992799, 7810218 pic.twitter.com/1jsjinZDkz
— Maldives Trade Association (@MTASecretariat) June 15, 2024
މޯލްޑިވްސް ޓްރޭޑް އެސޯސިއޭޝަން (އެމްޓީއޭ)އަކީ ވިޔަފާރިވެރިންނަށް، ވިޔަފާރިއާއި އިގްތިސާދުގެ ދާއިރާއިން އިތުރު ފުރުސަތު ހޯދާދީ އަދި ވިޔަފާރިއާއި އިގްތިސާދީ މައްސަލަތަކަށް ހައްލު ހޯދާ ދިނުމަށް އުފައްދާފައިވާ ޖަމިއްޔާއެކެވެ.
ކޮމެންޓު ފޮނުވާ