ބެލުންތެރިންގެ ވަރަށް ބޮޑަށް އިންތިޒާރު ކުރަމުން އަންނަ ޕްރަބާސް އާއި ދީޕިކާ ޕަދްކޯންގެ ފިލްމު "ކަލްކީ: 2898 އޭޑީ" ގެ ޓްރެއިލާ ދައްކާލައިފި އެވެ.
ކާސްޓްގައި އަމީތާބް ބައްޗަނާއި ޑިޝާ ޕަޓާނީގެ އިތުރުން ކަމަލް ހަސަން ވެސް ހިމެނޭ މި ފިލްމަކީ ޖުމްލަ 600 ކްރޯޑް ރުޕީސް (72 މިލިއަން ޑޮލަރު) ގެ ބަޖެޓަކުން ހަދާފައިވާ ފިލްމެވެ.
މިއީ އަމިތާބް އާއި އެކުގައި ޕްރަބާސް މަސައްކަތް ކުރާ ފުރަތަމަ ފަހަރު ނަމަވެސް މީގެ ކުރިން ދީޕިކާ އާއި އެކުގައި ގައި އަމިތާބް ވަނީ މަސައްކަތް ކޮށްފައިއެވެ. އެއީ ބޮޑު ކާމިޔާބެއް ހޯދި ފިލްމް "ޕީކޫ" އެވެ. އެފިލްމްގައި ދީޕިކާ ކުޅެފައިވަނީ އަމިތާބްގެ ދަރީގެ ރޯލެވެ.
މި ފިލްމުގެ ވާހަކަ ބިނާކޮށްފައި އޮތީ 2898 އޭޑީއަށެވެ. އެހެންވެ މުސްތަގުބަލުގައި ހިނގައިފާނެ ކަމަށް ބެލެވޭ ހާދިސާތަކެއް ދައްކުވައިދޭނެ އެއްޗެކެވެ. މި ފިލްމް އަކީ ބޮޑު ބަޖެޓަކުން ހަދައިފައިވާ ފިލްމްއެކެވެ.
View this post on Instagram
ކުޅަދާނަ ތެލެގޫ ޑައިރެކްޓަރު ނާގު އަޝްވިން ލިޔެ، ޑައިރެކްޓްކޮށް އެޕިކް ސައިންސް ފިކްޝަންއެއްގެ ގޮތުގައި ގެނެސްދޭ "ކަލްކީ" ގެ މައިގަނޑު ތަރިންނަކީ ޕްރަބާސް އާއި ދީޕިކާ ޕަދްކޯން އާއި ކަމަލް ހަސަނާއި އަމީތާބް ބައްޗަންގެ އިތުރުން ޑިޝާ ޕަޓާނީ އެވެ.
