Congratulations to Prez Dr. Muizz @MMuizzu and PM Modiji @narendramodi for their patience & foresight to enable a course-correction in MDV foreign policy towards India. I wish both countries and their people the best. Long live 🇮🇳 -🇲🇻 friendship! @HCIMaldives @MoosaZameer

— Mohamed Nasheed (@MohamedNasheed) June 9, 2024

ރައީސް މުއިއްޒު އިންޑިއާއަށް ކުރެއްވި ދަތުރުފުޅަށް ނަޝީދު މަރުހަބާ ވިދާޅުވިއިރު، ރައީސް މުއިއްޒު ވެރިކަމަށް ވަޑައިގެންނެވުމާއެކު ދެގައުމުގެ ގުޅުމަށް ވަނީ ނޭދެވޭ އަސަރުތަކެއް ކޮށްފައެވެ. އަދި އެއަށްފަހު އިންޑިއާއަށް ނިސްބަތްކޮށް ރައީސް މުއިއްޒު ދެއްކެވު ވާހަކަފުޅާއި، މިސަރުކާރުގެ 3 ޑެޕިއުޓީ މިނިސްޓަރަކު އިންޑިއާގެ ބޮޑުވަޒީރަށާއި އަދި އިންޑިއާއަށް ނިސްބަތްކޮށް ދެއްކި ވާހަކަތަކާއި ގުޅިގެން ދެގައުމުގެ ގުޅުން އިތުރަށް ހީނަރުވެގެން ދިޔައެވެ.

އެހެންނަމަވެސް ޚާރިޖީ ވަޒީރު މޫސާ ޒަމީރު ދާދިދަހުން އިންޑިއާއަށް ކުރެއްވި ދަތުރުފުޅަށްފަހު ދެގައުމުގެ ގުޅުންތައް އަންނަނީ ބަދަހިވަމުންނެވެ.

ބަންގްލަދޭޝް، ސްރީލަންކާ، ބޫޓާން، ނޭޕާލް އަދިދިވެހިރާއްޖެ ފަދަ އަވަށްޓެރި ގައުމުތަކުގެ ލީޑަރުން ބައިވެރިވި ރަސްމިއްޔާތެއްގައި އިންޑިއާގެ ބޮޑިވަޒީރު ނަރެންދުރަ މޯދީ ތިން ވަނަ ދައުރަކަށް ބޮޑުވަޒީރުކަމުގެ ހުވާ ކުރެއްވީ މިއަދުއެވެ،

އިންޑިއާގައި ބޭއްވުނު އާންމު އިންތިހާބުގައި މޯދީގެ ބާރަތިޔާ ޖަނަތާ ޕާޓީ (ބީޖޭޕީ) އިން ހީކުރި ވަރަށް ވުރެ ދަށް ނަތީޖާއެއް ލިބިގެން ދިއުމާއި ގުޅިގެން ގާނޫނުހަދާ މަޖިލިހުގެ އަށުލަބިއްޔަތު ކަށަވަރު ކުރުމަށް ނޭޝަނަލް ޑިމޮކްރެޓިކް އިއްތިހާދު (އެންޑީއޭ) ގެ އެހެން ބައިވެރިންނާއެކު ވެރިކަމުގެ ބާރުތައް ހިއްސާކުރުމަށް މޯދީއަށްވަނީ މަޖިބޫރު ވެފައެވެ.

މޯދީއަކީ އިންޑިއާގެ މިނިވަންކަމުގެ ބާނީ އަދި ފުރަތަމަ ބޮޑުވަޒީރު ޖަވާހަރުލާލް ނެހްރޫއަށް ފަހު ތިންވަނަ ދައުރަކަށް ވެރިކަމުގެ ހުވާ ކުރެއްވި ހަމައެކަނި ލީޑަރެވެ.

ެިއިންޑިއާގެ ރައީސްގެ ރަސްމީ ގެކޮޅުގައި ބޭއްވި ރަސްމިއްޔާތެއްގައި ގާނޫނު އަސާސީގައިވާ ހުވާ މޯޑީއަށް ލައި ދެއްވީ އިންޑިއާގެ ރައީސް ޑްރޫޕަދީ މުރުމު އެވެ.