މިހާރު ބޮލީވުޑްގެ އޭ ލިސްޓުގައި ގުނައިލެވޭ ދެ ތަރިން ކަމުގައިވާ ޕްރަބާސް އާއި ދީޕިކާ ޕަދުކޯންގެ ފިލްމް "ކަލްކީ: 2898 އޭޑީ" ގެ ޓްރެއިލާ މި މަހުގެ 10 ގައި ގެނެސްދޭނެކަން އިއުލާންކޮށް، ފިލްމުގެ އާ ޕޯސްޓަރެއް ވެސް އާންމުކޮށްފި އެވެ.
މި ފިލްމް އަކީ ވަރަށް ވެސް އުންމީދީ ފިލްމްއެކެވެ. ފިލްމްގެ ލީޑުން ދީޕިކާ އާއި ޕްރަބާސް ފެނިގެންދާއިރުގައި މި ފިލްމްގެ މުހިންމު ރޯލަކުން އަމިތާބް ބަޗަން ފެނިގެންދާނެއެވެ.
View this post on Instagram
މިއީ އަމިތާބް އާއި އެކުގައި ޕްރަބާސް މަސައްކަތް ކުރާ ފުރަތަމަ ފަހަރު ނަމަވެސް މީގެ ކުރިން ދީޕިކާ އާއި އެކުގައި ގައި އަމިތާބް ވަނީ މަސައްކަތް ކޮށްފައިއެވެ. އެއީ ބޮޑު ކާމިޔާބެއް ހޯދި ފިލްމް "ޕީކޫ" އެވެ. އެފިލްމްގައި ދީޕިކާ ކުޅެފައިވަނީ އަމިތާބްގެ ދަރީގެ ރޯލެވެ.
މި ފިލްމުގެ ވާހަކަ ބިނާކޮށްފައި އޮތީ 2898 އޭޑީއަށެވެ. އެހެންވެ މުސްތަގުބަލުގައި ހިނގައިފާނެ ކަމަށް ބެލެވޭ ހާދިސާތަކެއް ދައްކުވައިދޭނެ އެއްޗެކެވެ. މި ފިލްމް އަކީ ބޮޑު ބަޖެޓަކުން ހަދައިފައިވާ ފިލްމްއެކެވެ.
