އީރާނުގެ ރައީސް އިބްރާހިމް ރައީސީ އަވަހާރަވުމާ ގުޅިގެން އެގައުމުގެ އެންމެ ރޫހާނީ ލީޑަރު އާޔަތުالله އަލީ ޚާމަނާއީ ފަސް ދުވަހުގެ ހިތާމަ ފާޅުކުރާގޮތަށް އިއުލާނު ކުރައްވައިފި އެވެ.
އީރާނުގެ ހުޅަނގު އުތުރުގެ ފަރުބަދަމަތީ ސަރަހައްދެއްގައި ހެލިކޮޕްޓަރު ވެއްޓި، ފޮރިން މިނިސްޓަރު ހުސައިން އާމިރު އަބްދުاللهޔަން ވެސް ވަނީ މަރުވެފަ އެވެ. ދައުލަތުގެ މީޑިއާއިން ބުނީ އެ މީހުން މަރުވެފައިވަނީ އާދީއްތަ ދުވަހު އެ މީހުން ދަތުރުކުރި ހެލިކޮޕްޓަރު ވެއްޓުމުން ކަމަށެވެ. އާޔަތުالله ޚާމަނާއީ ވަނީ އެގައުމުގެ ރައީސް އަވަހާރަވުމާއި ގުޅިގެން އީރާނުގެ ރައްޔިތުންނަށް ތައުޒިޔާ ދަންނަވާ ކަމަށެވެ.
އުމުރުން 63 އަހަރުގެ ރައީސީ އަކީ އެންމެ މަތީ ލީޑަރުގެ މަގާމަށް ވަޑައިގަތުމުގެ ފުރުސަތު އޮތް ބޭފުޅެއް ކަމަށް ވަނީ ބުނެފަ އެވެ.
އުމުރުން 63 އަހަރުގެ ރައީސް އިބުރާހިމް ރައީސީއާއި އެގައުމުގެ ޚާރިޖީ ވަޒީރު އަމީރުއަބުދުﷲއަން އިންނެވި ހެލިކޮޕްޓަރ ވެއްޓިފައިވަނީ އާޒަބައިޖާނުގެ އިރުމަތީގައިވާ، އިރާނުގެ ފަރުބަދަމަތީ ސަރަހައްދަކަށެވެ.
ރިޕޯޓުތައް ބުނެފައިވާ ގޮތުގައި ތިން ހެލިކޮޕްޓަރުގެ ކޮންވޯއިއެއްގައި ދަތުރުކުރައްވަމުން ގެންދެވި ރައީސީ އިންނެވި ހެލިކޮޕްޓަރ "ހާޑް ލޭންޑިން"އެއް ކުރީ އެގައުމުގެ އުތުރަށް ބޯކޮށް ވާރޭ ވެހެމުން ދަނިކޮށެވެ.
އީރާނާއި އަޒަރުބައިޖާންގެ ބޯޑަރު ސަރަހައްދުން އެނބުރި ވަޑައިގަތުމަަށްފަހު ރައީސީ ދަތުރުކުރައްވަމުން ގެންދެވީ އީރާނުގެ ހުޅަނގު އުތުރުގައި އޮންނަ ތަބްރީޒް ސިޓީއަށްކަމަށް އެގައުމުގެ މީޑިއާތަކުން ބުނެފައިވެއެވެ.
މި ހެލިކޮޕްޓަރުގައި އިރާނުގެ ރައީސް އިބްރާހިމް ރީސީ އާއި އީރާނުގެ ޚާރިޖީ ވަޒީރު އާމިރު އަބްދުއްاللهޔަންގެ އިތުރުން، އިރުމަތީ އަޒަރުބައިޖާން ޕްރޮވިންސްގެ ގަވަރުނަރުމަލިކް ރަހްމަތީ އާއި ތަބްރީޒް ޕްރޮވިންސްގެ އިމާމް މުޙައްމަދު ޢަލީ އަލްޙާޝިމްވެސް ވަނީ ދަތުރު ކުރައްވާފައެވެ. އޭގެ އިތުރުން ސެކިއުރިޓީ ގާޑްއަކާއި ޓެކްނީޝިނަކުވެސް މި ހެލިކޮޕްޓަރުގައި ވަނީ ދަތުރުކުރައްވާފައެވެ.
މީޑިއާތަކުން ރިޕޯޓުކޮށްފައިވާ ގޮތުގައި، ހެލިކޮޕްޓަރުގައި ދަތުރުކުރެއްވި މީހުންގެ ހަށިގަޑުތައްވަނީ ކާކުކަން ވަކިނުވާވަރަށް އަނދާފައެވެ.
ރައީސީ ދަތުރު ކުރައްވަމުން ގެންދެވި 15 މީހުންގެ ޖާގައިގެ ހެލިކޮޕްޓަރއަކީ އެމެރިކާއިން އުފައްދާފައިވާ، އޭގެ އުމުރު 40 އަހަރަށްވުރެ ގިނަ ދުވަސްވީ ވައިގެ އުޅަނދެކެވެ. އެ ހެލިކޮޕްޓަރ އެންމެ ފުރަތަމަ ބޭނުންކުރަން ފެށީ، އިރާނުގެ އިސްލާމީ އިންގިލާބަށްވުރެ ކުރި، އެގައިމުގައި އޮތް ރަސްކަމުގެ ދުވަސްވަރުއެވެ.
އެހެންނަމަވެސް ފަހުން މި ހެލިކޮޕްޓަރ ވަނީ ރައީސް ދަތުރު ކުރެއްވުމަށް ބޭނުން ކުރަން ފަށާފައެވެ.
އިބުރާހިމް ރައީސީއަލީ އިރާނުގެ މިވަގުތު އޮތް އިސްލާމީ ވެރިކަމުގެ އެންމެ އެތެރެ ކޮއިލުގެ، އެގައުމުގެ ރޫހާނީ ލީޑަރު އަލީ ޚަމަނައިގެ އެންމެ އަރިސް އެއް ބޭފުޅާއެވެ. އަދި އުމުރުން 90 އަހަރަށްވުރެ މަތިވެފައިވާ، މިހާރުގެ ރޫޙާނީ ލީޑަރަށްފަހު އެގައުމުގެ ރޫހާނީ ލީޑަރުކަމަށް ވަޑައިގަންނަވާނެކަމަށް ބެލެވެމުން އައި ބޭފުޅާއަކީ މި އެކްސިޑެންޓުގައި އަވަހާރަވި އެގައުމުގެ ރައީސް އިބުރާހިމް ރައީސީއެވެ.
