ހެލިކޮޕްޓަރ ގެެއްލުމުގެ ހާދިސާއެއްގައި އިރާނުގެ ރައީސް ހޯދާ ނުފެނިފައިވާތީ އެކަމާ ހިތާމަކުރައްވާކަމުގައި ރައީސް މުއިއްޒު ވިދާޅުވެއްޖެއެވެ.
އިރާނުގެ ރައީސްގެ އިތުރުން އެގައުމުގެ ޚާރިޖީ ވަޒީރުވެސް ދަތުރުކުރައްވަމުން ގެންދެވި ހެލިކޮޕްޓަރ ގެއްލުމާއި ގުޅިގެން ދެބޭފުޅުން ހޯދުމުގެ މަސައްކަތް އިރާނުގެ އަސްކަރިއްޔާގެ އަދި ރެސްކިއު ޓީމްތަކުން ދަނީ ކުރަމުންނެވެ.
ހެލިކޮޕްޓަރ ފެނުމާއި ގުޅޭގޮތުން އެކި މީޑިއާތަކުން އެކި ގޮތަށް ރިޕޯޓު ކުރަމުންދާއިރު، އެއްވެސް ފަރާތަކުން ހެލިކޮޕްޓަރ ފެނިފައިވާކަން ޔަގީން ކޮށްދީފައެއް ނުވެއެވެ.
މިހާދިސާއާއި ގުޅޭގޮތުން ރައީސް މުއިއްޒު ކުރެއްވި އެކްސް ޕޯސްޓެއްގައި ވިދާޅުވީ ދިވެހި ސަރުކާރާ ރައްޔިތުންގެ ފަރާތުން އެދެނީ، އިރާނުގެ ރައީސީ ހޯދުމަށް މަސައްކަތް ކުރައްމުންދާ ޓީމުތަކަށް ކާމިޔާބިއަށް ކަމަށާއި އުއްމީދަކީ އުއްމީދަކީ ވަރަށް އަވަހަށް އިރާނުގެ ރައީސް ފެނުން ކަމުގައެވެ.
އިރާނުގެ ރައީސް ހޯދުމަށް 60 ޓީމަކުން ދަނީ މަސައްކަތް ކުރަމުންނެވެ. އެހެންނަމަވެސް މޫސް ގޯސްވުމާއި ގުޅިގެން ހެލިކޮޕްޓަރ އޮތް ސަރަހައްދަށް ދިއުމަށް ރެސްކިއުޓީމްތަކަށް ދަތިތަކާ ކުރިމަތިވެފައިވާކަމަށްވެސް މީޑިއާތަކުން ރިޕޯޓު ކޮށްފައެއް ނުވެއެވެ.
