ކިޑްނީ ޓްރާންސްޕްލާޓް ހެދުމަށް ބޭނުންވާ ގާނޫނީ އޮނިގަނޑު ފެށެ މަޖިލިހަށް ހުށަހަޅާނެކަމަށް ހެލްތު މިނިސްޓަރު ޑރ. އަބްދުﷲ ހަލީލް ވިދާޅުވެއްޖެއެވެ.
ހެލްތު މިނިސްޓްރީގެ ފަރާތުން ފާއިތުވި ހަފްތާގައި ބޭއްވި ނޫށްވެރިންގެ ބައްދަލުވުމުގައި ވާހަކަ ދައްކަވަމުން ހެލްތު މިނިސްޓަރު ވިދާޅުވީ ގުނަވަންތައް ބަދަލު ކުރުމަކީ ދުނިޔޭގެ ހުރުހާ ގައުމެއްގައިވެސް ގާނޫނީ އޮނިގަޑެއްގެދަށުން ކުރާ ކަމެެއް ކަމަށާއި، އެކަން ކުރަމުންދަނީ ރެގިއުލޭޓް ކުރެވިގެން ކަމުގައެވެ.
އެގޮތުން ރާއްޖޭގައިވެސް ކިޑްނީ ޓްރާންސްޕްލާންޓް ހެދުމަށްޓަކާ ބޭނުންވާ ގާނޫނު ޑްރާފްޓް މިހާރު ކުރެވެމުންދާ ކަމުގައި މިނިސްޓަރ ޚަލީލު ވިދާޅުވިއެވެ. އަދި އޭނާ ވިދާޅުވީ އެ ޚިދުމަތް ދިނުމަށް ބައެއް ޕްރައިވެޓް ހިސްޕިޓަލްތަކުން ޝައުގުވެރިކަންވެސް ފާޅު ކޮށްފައިވާ ކަމަށެވެ، އޭނާ އިތުރަށް ވިދާޅުވީ މިއީ ރާއްޖެއިން ލިބެން އަދި ނެތް ޚިދުމަތަކަށްވި ނަމަވެސް މި ޚިދުމަތް ބޭނުންވާ ފަރާތްތަކަށް ސަރުކާރުން އެހީތެރިކަން ފޯރުކޮށްދެމުންދާ ކަމުގައެވެ. އޭގެ ތެރޭގައި ބޭނުންވާ ފަންޑިންއާއި ލުއި ލޯނު ހިމެނޭކަމަށްވެސް މިނިސްޓަރ ވިދާޅުވިއެވެ.
އެ ގާނޫނު ނުވަތަ އެކަމުގެ އުސޫލުތައް ނަޔަސް އަޅުގަނޑުމެން މަސައްކަތްކުރަމުން މި ގެންދަނީ މިހާރު ވެސް ދެވޭ ހިދުމަތެއް، އޭގެ ތެރޭގައި ޓްރާންސްޕްލާންޓް ކުރަން ބޭނުންވާ ފަރާތްތަކަށް ޓްރާންސްޕްލާންޓް ކުރަން ބޭނުންވާ ފަންޑިންއާ އަދި އެހެނިހެން ވެސް ލުއިކަން ރައްޔިތުންނަށް ފޯރުކޮށްދިނުމުގެ ޔަގީންކަން ދިނުން.
މިނިސްޓަރ ޚަލީލު ވިދާޅުވިއެވެ.
ރާއްޖޭގައި އާންމުވަމުންދާ މިފަދަ ބަލިތަކާބެހޭ ދިރާސާއެއް ހެދުމަށް ނިންމާ ހެލްތު މިނިސްޓްރީންވަނީ ޑަބްލިއުއެޗްއޯގެ އެހީތެރިކަމަށް އެދިފައެވެ.
