ތަނަވަސްކަމުގެ އަހުލުވެރިން މުދަލުގެ ޒަކާތް އަދާކުރާނަމަ އިސްލާމީ މުޖުތަމަޢުގެ އިޖުތިމާއީ ގިނަ މައްސަލަތަކަށް ހައްލު ލިބޭނެކަމުގައި މިއަދުގެ ހުކުރު ޚުޡުބާގައި ވިދާޅުވެއްޖެއެވެ.
"މުދަލުގެ ޒަކާތް" މިމައުޟޫއަށް ޚާއްސަ ކުރެވިގެންދިޔަ މިއަދުގެ ޚުޡުބާގައި ވިދާޅުވީ ހަސަދަވެރިކަމާއި ރުޅިވެރިކަން މީސްތަކުގެ މެދުގައި އޭގެ ސަބަބުން ފިލައިގެން ދާނެކަމަށާއި، ފަގީރުކަން ނެތި މުޖުތަމަޢުގެ އެންމެހާ ފަރުދުން ފުދުންތެރި ބަޔަކަށް މުދަލުގެ ޒަކާތެގެ ސަބަބުން ވެގެންދާނެ ކަމުގައެވެ.
ފަގީރުންނާއި މިސްކީނުންނާއި ޔަތީމުންނާއި އަތްމަތި ދަތި މީހުންނާއި، މިހުރިހާ އެންމެން ދެއެއަތް އުފުލާ އެބައިމީހުންގެ ބޭނުންތައް ފުއްދައިދިނުމުގައި މެދުވެރިވި މީހުންނަށް ހެޔޮ ދުޢާކޮށް، އެބައިމީހުންގެ މުދަލުގައި ބަރަކާތްލެއްވުން އެދި .. ހަޒުރަތުގައި ދުޢާ ދަންނަވާނެތެވެ.
މިއަދުގެ ޚުޡުބާގައި ވިދާޅުވެފައި ވެއެވެ.
ޚުޡުބާގައި ވިދާޅުވި ގޮތުގައި ޒަކާތަކީ ފިތުރު ޒަކާތްކަމުގައި ބައެއް މީހުންނަށް ހީވެފައި އޮންނަ ކަމަށާއި، އޭގެ ނަތީޖާއެއްގެ ގޮތުން މަދުމީހަކު މެނުވީ ފިޡުރު ޒަކާތް ދައްކާ ކަމުގައެވެ. އަދި ވަރަށް ގިނަ މީހުން މުދަލުގެ ޒަކާތް ނުދައްކާކަން ފާހަގަކުރަމުން ޚުޡުބާގައި ވިދާޅުވީ މިއީ ވަރަށް ބޮޑު އޮޅުމެއް ކަމުގައެވެ. ނުވަތަ ކުށްހީއެއް ކަމުގައެވެ.
އެހެނީ ކިރިތި ޤުރުއާންގައި ކަނޑައަޅުއްވާ ފަރުޟުކުރައްވާފައިވާ ޒަކާތަކީ މުދަލުގެ ޒަކާތެވެ. އަދި އިސްލާމްދީނުގެ ރުކުނެއްކަމުގައި ކަނޑައަޅުއްވާފައިވާ ޒަކާތަކީވެސް މުދަލުގެ ޒަކާތެވެ. ފިތުރުޒަކާތަކީވެސް ވާޖިބެކެވެ. އެހެންނަމަވެސް އެއީ އިސްލާމްދީނުގެ ރުކުނެއް ނޫނެވެ. އެހެންކަމުން ޒަކާތުގެ ނިސާބު ހަމަވާ މިންވަރަށް ތިމާގެ އަތުގައި ފައިސާ ނުވަތަ މުދާ ހުރެފައި އެއަށް ހަނދުމަހުން އެއްްއަހަރު ހަމަވުމުން ޒަކާތް ނެރުން ވާޖިބު ވާނެއެވެ. އޭގެ މިންވަރަކީ ފައިސާގެ ނުވަތަ މުދަލުގެ ސާޅިސްބައިކުޅަ އެއްބައެވެ.
މިއަދުގެ ޚުޡުބާގައި ވިދާޅުވެފައި ވެއެވެ.
