ރާއްޖެއާއި ރާއްޖެއިން ބޭރުގެ އިތުރު މަންޒިލްތަކަށް ދަތުރުތައް ފެށުމަށް ބޭނުންވާ އެއަރބަސްގެ މަތިންދާ ބޯޓެއް ކުއްޔަށް ހޯދަން މޯލްޑިވިއަން ހިންގާ، އައިލެންޑް އޭވިއޭޝަން އިން އިއުލާންކޮށްފިއެވެ.

އައިލެންޑް އޭވިއޭޝަނުން އިއްޔެ ކުރި އިއުލާނެއްގައި ބުނެފައިވަނީ، އެކުންފުނިން ހޯދަން ބޭނުންވަނީ އެއާބަސްގެ އޭ 319 އަދި 320 މަތިންދާ ބޯޓެއް ކަމަށެވެ.

އިއުލާނުގައި ބުނެފައިވަނީ އެ ބޯޓު ކުއްޔަށް ނަގަން ބޭނުންވަނީ ލީސްއަށް ތިން އަހަރުގެ މުއްދަތަށް ކަމަށެވެ.

މީގެ ކުރިންވެސް މޯލްޑިވިއަނުން ފަސް އަހަރަށްވެސް ޑްރައި ލީސްކޮށް މަތިންދާ ބޯޓު ކުއްޔަށް ނަގާފައިވެއެވެ. ޑްރައިލީސް އަކީ މަތިންދާ ބޯޓު ކުއްޔަށް ދޫކުރާ ފަރާތުން އެ ބޯޓުގެ މެއިންޓެނެންސާއި ކްރޫއިންގެ ކަންކަން ފަދަ ހިދުމަތްތައް ބަލަހައްޓާ ގޮތަށް އެއްބަސްވެ ކުއްޔަށް ދިނުމެވެ.