އެމްއެންޑީއެފް ނޮދަން އޭރިއާ ކޮމާންޑް، ޅ.ނައިފަރު ފަޔަރ ސްޓޭޝަންގެ ފަޔަރ ފައިޓަރުންނާއި، ތިން ރިސޯޓެއްގެ ފަޔަރމަނުން ގުޅިގެން ހަރަކާތްތެރިވެ، ނ.ވެލިދޫ ކުނިގޮނޑުގައި ރޯވި އަލިވާން ނިއްވާލައިފިއެވެ.
މި ހާދިސާގެ މަޢުލޫމާތު މިއަދު 12:30 ހާއިރު އެމްއެންޑީއެފް ނޮދަން އޭރިއާ ކޮމާންޑް، ޅ.ނައިފަރު ފަޔަރ ސްޓޭޝަނަށް ލިބުމާއެކު، އެ ފަޔަރ ސްޓޭޝަންގެ ފަޔަރ ފައިޓަރުން މިއަދު 14:00 ހާއިރު އެ ރަށަށް ގޮސް، އަލިފާން ނިއްވުމުގެ މަސައްކަތް ފެށިއެވެ. އަދި އޭގެ ކުރިން، ފަޔަރ ފައިޓަރުން އެ ރަށަށް ދިއުމަށް ވަގުތުތަކެއް ނަގާނެތީވެ، އެމްއެންޑީއެފް ނޮދަން އޭރިއާ ކޮމާންޑްގެ އެދުމަށް، ޝިޔާމް ވޯލްޑް ރިސޯޓާއި، ވެލާ ރިސޯޓް އަދި ރަންދެލި ރިސޯޓްގެ ފަޔަރމަނުން ވަނީ އެ ރަށަށް ގޮސް އަލިފާން ނިއްވުމުގައި އެހީތެރިކަން ފޯރުކޮށްދީފައެވެ. އަދި މީގެ އިތުރުން ނ.ވެލިދޫ ކައުންސިލްގެ އެހީތެރިކަން ވެސް ވަނީ ލިބިފައެވެ.
އެމްއެންޑީއެފް ނޮދަން އޭރިއާ ކޮމާންޑް، ޅ.ނައިފަރު ފަޔަރ ސްޓޭޝަންގެ ފަޔަރ ފައިޓަރުންނާއި ޝިޔާމް ވޯލްޑް ރިސޯޓާއި، ވެލާ ރިސޯޓް އަދި ރަންދެލި ރިސޯޓްގެ ފަޔަރމަނުންނާއި ނ.ވެލިދޫ ކައުންސިލުން ގުޅިގެން ކުރެވުނު މަސައްކަތުން، މިއަދު 15:15 ހާއިރު އަލިފާންގަނޑު ކޮންޓްރޯލްކޮށް، 17:00 ހާއިރު ވަނީ ކުނިގޮނޑުގައި ރޯވި އަލިފާންގަނޑު އެއްކޮށް ނިއްވާލާފައެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.
