ޚަރަދު ބޮޑުވާތީ މާލޭ ސިޓީ ކައުންސިލުން މާލޭގައި ހިންގަމުންދާ ގަސް ފިހާރަތައް ހުޅުމާލެއަށް ބަދަލު ކުރުމަށް ނިންމައިފިއެވެ.
މާލޭ ސިޓީ ކައުންސިލުން ބައެއް މީޑިއާތަކަށް މައުލޫމާތު ދެމުން ބުނެފައިވަނީ 'މާލެ ފެހި’ގެ ނަމުގައި ހިންގަމުންދާ ހުރިހާ ގަސްފިހާރައެއްވެސް މިހާރު ހުޅުމާލެއަށް ބަދަލުކޮށްފައިވާ ކަމަށާއި، ހުޅުމާލެއަށް ގަސްފިހާރަތަށް ބަދަލު ކުރާންޖެހުނީ ސްޓާފުން ލައިގެން ލައިގެން މާލޭގައި ފިހާރަތައް ހިންގުމުން ތަން ބެލެހެއްޓުމާއި އަދި ކަރަންޓަށްވެސް ބޮޑު ޚަރަދެއް ކުރާން ޖެހުމާއި ގުޅިގެން ކަމުގައެވެ.
ހުޅުމާލޭގައި މާލޭ ސިޓީ ކައުންސިލް ގަހާއި ގަސްކާނާ ވިއްކުމަށް ޚައްސަ ނާސަރީއެއް ހުރެއެވެ. މި ނާސަރީގައި އައުޓްލެޓެއްވެސް ހުރެއެވެ.
'މާލޭ ފެހި' މަޝްރޫއު ފެށި މިހާރުގެ ރައީސް މުއިއްޒުގެ މޭޔަރުކަމުގައި މާލެ ޒީނަތްތެރިކޮށް ފެހި ކުރުމުގެ ގޮތުން، މާލޭގެ އެކި ސަރަހައްދުތަކުގައި ގަސް ހައްދާ، އަދި ގަހާއި ގަސްކާނާ ލިބޭނެ އިންތިޒާމް ހަމަޖެއްސުމުގެ ގޮތުންނެވެ.
ކޮމެންޓު ފޮނުވާ