ޢަލްމާނިއްޔަތުގެ ފާސިދު ފަލްސަފާގެ ތެރެއިން ފަށާފައިވާ ވަރުގަދަ ފިކުރީ ހަނގުރާމާގައި، ޒުވާނުންގެ ސިކުނޑިތައް ދޮވެލާ، ސިޔާސަތާއި ދިރިއުޅުމުގެ ތެރެއިން ދީން ވަކިކޮށް، ކަލަކު ވޮޑިގެން ނުވާކަމުގެ ޝުބުހާތައް ޒުވާނުންގެ ސިނކުޑިތަކަށް ވައްދަމުންދާކަމަށް މިއަދުގެ ޚުޡުބާގައި ވިދާޅުވެއްޖެއެވެ.
"ކަލަކު ވޮޑިގެންވާކަމުގެ ހެކިތައް" މިމައުޟޫއަށް ހާއްސަ ކުރެވިގެންދިޔަ މިއަދުގެ ޚުޡުބާގައި ވިދާޅުވީ، އެގޮތުން ވޮޑިގެންވާކަމަށް ތިޔަ ދައުވާ ކުރާ ކަނލާގެ ނުފެންނަނީ ކީއްވެތޯ އެބައިމީހުން ސުވާލުކުރާކަމަށެވެ.
އަދި ނުފެންނަ ނުވަތަ ހިއްސުތަކުން އިހުސާސް ނުވާ ތަކެތި ގަބޫލުކުރުމަކީ ބޯދާ ކަމެއްކަމުގައި ވިސްނައިދޭން އެބައި މީހުން މަސައްކަތް ކުރާކަމަށްވެސް ޚުޡުބާގައި ވިދާޅުވެފައިވެއެވެ.
ނަމަވެސް ހަގީގަތުގައި މިއީ ތާކުންތާކުޖެހޭ ވާހަކައެއް ނޫނެވެ. އެހެނީ ފެނުމަކީ ނުވަތަ ހިއްސުތަކުން ސީދާ ގޮތެއްގައި އިހުސާސްވުމަކީ، އީމާންވުމަށް ނުވަތަ ކަމެއް ގަބޫލުކުރުމަށް ވާ ޝަރުތެއް ނޫނެވެ. ބުއްދިއަކީ ހުންނަ އެއްޗެއް ކަމަށް އެންމެންވެސް ގަބޫލުކުރެއެވެ. ނަމަވެސް ބުއްދިއަކީ ފެންނަ ނުވަތަ އިހުސާސްވާ އެއްޗެއް ނޫނެވެ. އަދި ސިކުނޑިއެއްވާ ކޮންމެ އެއްޗަކީ ބުއްދި ކުރެވޭ އެއްޗެއްވެސް ނޫނެވެ. ހަމަ އެހެންމަ ބިމަށް ދަމާ ބާރުގެ ސަބަބުން މޭވާތައް ގަހުން ވަކިވެގެން ބިންމައްޗަށް ވެއްޓެއެވެ. ނަމަވެސް އެ ދަމާ ބާރެއްވެސް އެއްވެސް މީހަކަށް ނުފެނެއެވެ. ނުވަތަ އިހުސާސެއްވެސް ނުވެއެވެ. ދެ ދަގަތްފާނެއްގެ އިނދިކޮޅު ދެފަރާތް ކައިރިކޮށްލުމުން އެ ދޭތި ގާތްވެ ތަތްވެއެވެ. އަދި އޭގެ އެއްވައްތަރު ދެކޮޅު ކައިރިކޮށްލުމުން އެދޭތި ދުރުވެ ފޭވެއެވެ. ނަމަވެސް ދަގަތްފާނުގެ ބާރެއްވެސް އަހަރެމެންނަމަށް ނުފެނެއެވެ. އިހުސާސެއްވެސް ނުވެއެވެ.
މިއަދުގެ ޚުޡުބާގައި ވިދާޅުވެފައި ވެއެވެ.
ޚުޡުބާގައި ވިދާޅުވީ އެހެންކަމުން ނުފެންނަ އަދި އަތްނުލެވޭ ކޮންމެ އެއްޗަކޯ ވުޖޫދުގައި ނުވާ އެއްޗެއްކަމަށް ގަބޫލުކުރާ ކުރުމަކީ ސައްޙަ ގަބޫލުކުރުމެއް ނޫންކަމުގައެވެ.
