ގައުމީ އެއާލައިން އިތުރަށް ތަރައްގީކޮށް ޒަމާނީ ކުރުމަށް ކުރަމުންދާ މައްކަތްތަކުގެ ދަށުން، އެ އެއަރލައިންގެ ފްލީޓާ ގުޅުން ހަތަރުވަ، އޭޓީއާރު މަރުލާގެ ފްލައިޓަށް މޯލްޑިވިއަންގެ މެނޭޖްމަންޓުން މަރުހަބާ ކިޔައިފިއެވެ.
މި ބޯޓު އޮމާންގެ ވެރިރަށް މަސްކަޓްއިން ފުރައިގެން ދަތުރުކޮށް މާލޭ އިންޓަރނޭޝަނަލް އެއަރޕޯޓުގައި ޖައްސާފައިވަނީ މިއަދު ހަވީރުއެވެ. މި ބޯޓު ދަތުރުކުރަމުން އައިސްފައިވަނީ ފްރާންސުން ފުރައިގެންނެވެ.
މިއަދު ހަވީރު ބޯޓު ހުޅުލޭގައި ޖެއްސުމާއެކު މަރުހަބާ ކިޔަން ހާއްސަ ހަފުލާއެއް ވީއައިއޭގައި އޮތެވެ. އެ ހަފުލާގައި އެ ބޯޓަށް ވޯޓާ ސެލިޔުޓެއް ދީފައި ވެއެވެ.
އައިއޭއެސް އިން އެންމެ ފުރަތަމަ އޭޓީއާރް ބޯޓެއް ރާއްޖެ ގެނެސްފައިވަނީ މިދިޔަ އަހަރުގެ ޖެނުއަރީ ގައެވެ. އެފަހަރު 72 މީހުންގެ ޖާގައިގެ ދެ ބޯޓު ގެނެސްފައިވެ އެވެ. އެ ކުންފުނިން އޭޓީއާރް މަރުކާގެ ތިންވަނަ ބޯޓު ރާއްޖެ ގެނައީ މިދިޔަ އަހަރުގެ އޭޕްރީލް މަހު އެވެ. އެއީވެސް 42 މީހުންގެ ޖާގައިގެ ބޯޓެކެވެ.
ރާއްޖޭގައި އެންމެ ގިނަ އެއާޕޯޓްތަކަށް ދަތުރުކުރާ އެއާލައިން — މޯލްޑިވިއަން އިން ގެންދަނީ ބޮއިން 787-8 މަރުކާގެ އެއާކްރާފްޓެއް ކުއްޔަށް ނެގުމަށާއި ވައިޑް ބޮޑީ އެއާކްރާފްޓް ހޯދުމަށްވެސް މަސައްކަތް ކުރަމުންނެވެ. މިއީ 250 ސީޓު ހިމެނޭނެ ބޯޓުތަކެއް ކަމަށް އައިއޭއެސް އިން ބުނެ އެވެ.
މޯލްޑިވިއަންއަށް މިއަދު ގެނައީ އޭޓީއާރު 500-42 މަރުކާގެ ބޯޓެކެވެ.
