އައްޑޫ ސިޓީގެ ގުޅިފައިވާ ރަށްތަކުގެ ފެނުގެ މައްސަލައަށް ހައްލެއް ނުލިބި މަހެއްހާ ދުވަސް ފާއިތުވެ، ރައްޔިތުންގެ ޝަކުވާ ބޮޑުވެފައިވާ ކަމުގައި އައްޑޫ ސިޓީގެ މޭޔަރު އަލީ ނިޒާރު ވިދާޅުވެއްޖެއެވެ.
އޭނާ ކުރެއްވި އެކްސް ޕޯސްޓެއްގައި ވިދާޅުވީ އައްޑޫ ސިޓީގެ ގުޅިފައިވާ ރަށްތަކަށް ފެންސަޕްލައި ކޮއްދިނުނުގައި ދިމާވެފައިވާ މައްސަލައަށް ހައްލެއް ނުލިބި މަހެއްހާ ދުވަހާއި ގާތްވެފައިވާއިރު، މިކަމުގައި ރައްޔިތުންގެ ޝަކުވާ ދަނީ އިތުރުވަމުން ކަމުގައެވެ.
އަދި މިކަމަށް ހައްލު ހޯދަން މިހާ ދުވަސްނަގަން ޖެހުމަކީ ނުކުޅެދުމެއްގެ ގޮތުގައި ފާހަގަ ކުރައްވަމުން ނިޒާރު ވިދާޅުވީ މިތަކްލީފަށް އަވަސް ހައްލެއް ހޯއްދަވައި ދެވުމަށް ފެނަކަ މެނޭޖްމަންޓުގެ ކިބައި އެދޭ ކަމުގައެވެ.
އައްޑޫ ސިޓީގެ ގުޅިފައިވާ ރަށްތަކަށް ފެންސަޕްލައި ކޮއްދިނުނުގައި ދިމާވެފައިވާ މައްސަލައަށް ހައްލެއް ނުލިބި މަހެއްހާ ދުވަހާއި ގާތްވެފައިވާއިރު ، މިކަމުގައި ރައްޔިތުންގެ ޝަކުވާ ދަނީ އިތުރުވަމުން. އަދި މިކަމަށް ހައްލު ހޯދަން މިހާ ދުވަސްނަގަން ޖެހުމަކީ ނުކުޅެދުމެއް. މިތަކްލީފަށް…
— Ali Nizar (@DhekunuNizar) May 4, 2024
ބައެއް މީޑިއާތަކަށް މައުލޫމާތު ދެއްވަމުން ފެނަކަ އެމްޑީ މުއާޒް މުހައްމަދު ރަޝީދު ވިދާޅުވީ އައްޑޫ ސިޓީގެ ފެން ޕްލާންޓަށް ދޭތެރެ ދޭތެރެއިން މައްސަލަތައް ހައްލު ކުރުމަށް އެމްޑަބްލިއުއެސްސީއާއެކު އެއްބަސްވުމެއްގައި ސޮއިކޮށް ސަރުކާރުން މަސައްކަތް ކުރަމުން އަންނަ ކަމުގައެވެ.
ކޮމެންޓު ފޮނުވާ