އުޖޫރައިގެ ހަމަހަމަކަން ނެތުމުން ސިވިލް ސަރވިސް ދާއިރާއަށް މުވަައްޒަފުން ހޯދުމަށް ދަތި: ކޮމިޝަނުގެ ރައީސް

އުޖޫރައިގެ ހަމަހަމަކަން ޤާއިމްނުވުމުގެ ސަބަބުން ސިވިލް ސަރވިސް ދާއިރާއަށް މުވަައްޒަފުން ހޯދުމަށް ދަތިކަމަށް ކޮމިޝަނުގެ ރައީސްގެކޮމިޝަނުގެ ރައީސް މުހައްމަދު ނާސިޙު ވިދާޅުވެއްޖެއެވެ.

ދިވެހި ސިވިލް ސަވިސް ދުވަހުގެ ތަހުނިޔާ ފޮނުވައި ނާސިހު ވިދާޅުވީ، ސީއެސްސީގެ ތަޢުލީމާއި އަދި ސިއްހީ ދާއިރާގައި މަސައްކަތް ކުރާ މުވައްޒަފުންނަށް އުޖޫރައިގެ ކުރިއެރު ދެއްވުމުން އެކަމަށް ޝުކުރުވެރިވާ ކަމަށެވެ. އަދި ސިވިލް ސާވިސްގައި މަސައްކަތް ކުރާ ގިނަ މުވައްޒަފުންނަށް ލިބެންވާ އުޖޫރަ އެންމެ ރަނގަޅަށް ނުލިބޭކަމަށާއި އަދި ހަމަހަމަކަން ގާއިމުކުރުމަށް ވަނީ ސަރުކާރަށް އިލްތިމާސް ކުރައްވާފަ އެވެ.

ދިވެހި ސިވިލް ސަވިސް އަކީ ދިވެހި މަސައްކަތްތެރިންގެ ބޮޑު ބައެއް ހިއްސާ ކުރާ މުއައްސަސާއެކެވެ. ޓެކްނޮލޮޖީއާއި އެކު ޒަމާނަށް އަންނަ ބަދަލުތަކުގެ ސަބަބުން ހިދުމަތް ދިނުމުގެ ވައްޓަފާޅިއަށް ބޮޑެތި ބަދަލުތަކެއް އައިސްފައިވާކަމަށާއި ރައްޔިތުނަށް ޙިދުމަތްދިނުމުގައި ބޮޑެތި ބަދަލުތަކެއް އައިސްފައިވާ ކަމަށެވެ. އަދުގެ މަސައްކަތުގެ މާހައުލަށް ވެސް އެކައުވީސް ޤަރުނުގެ ހުނަރުތަށް ލިބިފައިވާ މުވައްޒަފުންގެ ހިދުމަތް މުހިންމު ކަމަށް ވަނީ ފާހަގަކޮށްފައެވެ.

ސިވިލް ސަވަންޓުންގެ ހުނަރާއި ޤާބިލްކަން މަތިކުރުމަކީ ރައްޔިތުނަށް ޙިދުމަތް ދިނުމުގައި މުހިންމު ކަމެއް ގޮތުގައެވެ.

އުޖޫރައިގެ ހަމަހަމަކަން ޤާއިމްނުވުމުގެ ސަބަބުން ސިވިލް ސަރވިސް ދާއިރާއަށް މުވަައްޒަފުން ހޯދުމަށް ދަތިކަމަށް ކޮމިޝަނުގެ ރައީސްގެ ވާހަކައިގައި ވިދާޅުވެފައިވެއެވެ. އަދި މި ކޮމިޝަންގައި މަސައްކަތް ކުރާ ހުރިހާ ސިންތިއެއްގެ ބޭފުޅޫނަށް ހަމަހަމަކަމާއި އުޖޫރައިގެ ކުރިއެރުން އަވަސްގޮތެއްގައި ނިންމާދެއްވުމަށް ވަނީ އެދިފައެވެ.

މަސައްކަތްތެރިންގެ ދުވަހުގެ މުނާސަބާގައި ރައީސް ޑރ. މުހައްމަދު މުއިއްޒު ވެސް މިއަދު ހިތޯބެއް ފޮނުއްވި އެވެ. އެގޮތުން އެމަނިކުފާނު ވަނީ ސަރުކާރުގެ އެކި ހިދުމަތުގައި މަސައްކަތް ކުރާ މުވައްޒަފުންނަށް މުސާރަ ބޮޑުކޮށްދީ، އިނާޔަތްތައް އިތުރު ކުރުމުގެ މަސައްކަތް ކުރަމުން ގެންދާކަން ފާހަގަކުރައްވާފަ އެވެ. އަދި އާމްދަނީ ހޯދުމަށް މަސައްކަތް ކުރުމުގެ ފުރުސަތު ދިވެހީންނަށް އިތުރަށް ފަހިކޮށްދެއްވުމަށްޓަކައި، ރާއްޖޭގައި ދިވެހީންނަށް ނޫނީ ވަޒީފާ އަދާ ނުކުރެވޭނެ 22 ދާއިރާއެއް މި ސަރުކާރުން ކަނޑައަޅާފައިވާނެކަމަށް ވިދާޅުވި އެވެ.

މަސައްކަތްތެރިން ދުވަހުގެ މުނާސަބަތުގައި ރައީސް ޑރ މުހައްމަދު މުއިއްޒު ދެއްވި ހިތޯބުގައި ވިދާޅުވީ މި 5 އަހަރުގެ ތެރޭގައި ދިވެހި ކޮންމެ މަސައްކަތްތެރިއަކަށް، ފުދުންތެރި، ތަނަވަސް އަދި ފާގަތި ދިރިއުޅުމެއް ހޯދަވައި ދިނުމަކީ އެމަނިކުފާނުގެ އަޒުމެއް ކަމަށެވެ. އަދި ދިވެހި ރައަޔިތުންނަށްޓަކައި ސަރުކާރުން ކޮށްދޭ ކަންތަށްތަކަށް އަލިއަޅުވާލައި، ވިދާޅުވީ ސަރުކާރުގެ ޙިދުމަތުގައި އުޅޭ މުވައްޒަފުންނަށް މުސާރަ ބޮޑު ކުރުމަށް މަސައްކަތްތަކެށް ކުރައްވާނެ ކަމަށެވެ. އަދި ރާއްޖޭގައި ދިވެހިންނަށް ނޫނީ ވަޒީފާއަދާ ނުކުރެވޭނެ 22 ދާއިރާއެއް ކަނޑައަޅާނެ ކަމަށް ރައީސް ވިދާޅުވިއެވެ. މި ނިންމުމަކީ ދިވެހީންނަށް މަސައްކަތްކުރުމުގެ ފުރުޞަތު ހޯދައި ދިނުމަށް އެޅޭ މުހިންމު ފިޔަވަޅެއް ކަމަށް ރައީސް ވިދާޅުވިއެވެ.

މީގެ އިތުރުން ރާއްޖޭގައި ޤަވާއިދާ ޚިލާފަށް ވަޒީފާ އަދާކޮށް ވިޔަފާރިކުރަމުންދާ ބޭރު މީހުންނަށް އެ މަގުތައް ބަންދުކުރުމަށް ނިންމާފައިވާ ކަމަށާއި، އެފަދަ މީހުން 48 ގަޑިއިރު ތެރޭގައި ޑީޕޯޓްކުރަން މިހާރު ނިންމާފައިވާ ކަމަށް އެމަނިކުފާނު ވިދާޅުވިއެވެ.

މަސައްކަތްތެރިކަން އުގަންނައި ދިނުމާއި އެކި ދާއިރާތަކުން މީހުން ތަމްރީނު ކުރުމުގެ މަސައްކަތް ސަރުކާރުން ކުރުމަށް ނިންމާފައިވާ ކަމާއި އަދި މިކަމުގެ ސަބަބުން އާއިލާތަކަށް ފުއްދުންތެރިކަން އިތުރުވެގެން ދާނެކަން ރައީސް ވަނީ ފާހަގަކޮށްފައެވެ. މަސައްކަތްތެރިންނަށްޓަކައި މިސަރުކާރުން ކުރިއަށް އޮތް ދުވަސްތަކުގައި ޑޭކެއާ ސެންޓަރުތައް ފަދަ ޚިދުމަތްތައް ޤާއިމުކުރުމަށްވަނީ ނިންމާފައެވެ. އަދި މަސައްކަތްތެރިންނަށް ފަހި ރަނގަޅު ފަހި ފުރުސަތުތަކެއް ފަހިވެގެންދާނެ ކަމަށް ވިދާޅުވިއެވެ.

މީގެ އިތުރުން ދިވެހި ޤައުމަށް މަންފާލިބޭ އެކި ދާއިރާތަކުގައި ރާއްޖެއާއި ރާއްޖެއިން ބޭރުގައި މަސައްކަތް ކުރަމުންދާ ހުރިހާ ދޭސީންނާއި ބިދޭސީންނަށް ބައިނަލްއަޤްވާމީ މަސައްކަތްތެރީންގެ ދުވަހުގެ ތަހުނިޔާ ވަނީ ދައްނަވާފައެވެ.