މިހާރު ބޮލީވުޑްގެ އޭ ލިސްޓުގައި ގުނައިލެވޭ ދެ ތަރިން ކަމުގައިވާ ޕްރަބާސް އާއި ދީޕިކާ ޕަދުކޯންގެ ފިލްމް "ކަލްކީ: 2898 އޭޑީ" ގެ އައު ޕޯސްޓަރެއް ބެލުންތެރިންނަށް ދައްކައިލައިފިއެވެ.
މި ޕޯސްޓަރު ގެ ކުރިން ވެސް ފިލްމް ގެ ޕޯސްޓަރެއް ވަނީ މީގެ ކުރިން ދައްކައިލައިފައިއެވެ. މި ފިލްމް އަކީ ވަރަށް ވެސް އުންމީދީ ފިލްމްއެވެ. ފިލްމްގެ ލީޑުން ދީޕިކާ އާއި ޕްރަބާސް ފެނިގެންދާއިރުގައި މި ފިލްމްގެ މުހިންމު ރޯލަކުން އަމިތާބް ބަޗަން ފެނިގެންދާނެއެވެ.
މިއީ އަމިތާބް އާއި އެކުގައި ޕްރަބާސް މަސައްކަތް ކުރާ ފުރަތަމަ ފަހަރު ނަމަވެސް މީގެ ކުރިން ދީޕިކާ އާއި އެކުގައި ގައި އަމިތާބް ވަނީ މަސައްކަތް ކޮށްފައިއެވެ. އެއީ ބޮޑު ކާމިޔާބެއް ހޯދި ފިލްމް "ޕީކޫ" އެވެ. އެފިލްމްގައި ދީޕިކާ ކުޅެފައިވަނީ އަމިތާބްގެ ދަރީގެ ރޯލެވެ.
މި ފިލްމުގެ ވާހަކަ ބިނާކޮށްފައި އޮތީ 2898 އޭޑީއަށެވެ. އެހެންވެ މުސްތަގުބަލުގައި ހިނގައިފާނެ ކަމަށް ބެލެވޭ ހާދިސާތަކެއް ދައްކުވައިދޭނެ އެއްޗެކެވެ. މި ފިލްމް އަކީ ބޮޑު ބަޖެޓަކުން ހަދައިފައިވާ ފިލްމްއެކެވެ.
View this post on Instagram
ކުޅަދާނަ ތެލެގޫ ޑައިރެކްޓަރު ނާގު އަޝްވިން ލިޔެ، ޑައިރެކްޓްކޮށް އެޕިކް ސައިންސް ފިކްޝަންއެއްގެ ގޮތުގައި ގެނެސްދޭ "ކަލްކީ" ގެ މައިގަނޑު ތަރިންނަކީ ޕްރަބާސް އާއި ދީޕިކާ ޕަދްކޯން އާއި ކަމަލް ހަސަނާއި އަމީތާބް ބައްޗަންގެ އިތުރުން ޑިޝާ ޕަޓާނީ އެވެ.
