ބީބީސީން ރިޕޯޓު ކޮށްފައިވާ ގޮތުގައި މި ހަނގުރާމައިގެ ފްރޮންޓް ލައިންގައި ދެވަނަ 12 މަސް ދުވަހުގެ ތެރޭގައި މަރުވެފައިވާ ރަޝިއާ ސިފައިންގެ އަދަދު ފުރަތަމަ 12 މަސް ދުވަހަށްވުރެ ގާތްގަނޑަކަށް 25 ޕަސެންޓް މަތިކަމަށެވެ.

ބީބީސީ ރަޝިއަން އާއި މިނިވަން މީޑިއާ ގްރޫޕް މީޑިއާޒޯނާ އަދި ވޮލަންޓިއަރުން އަންނަނީ 2022 ވަނަ އަހަރުގެ ފެބްރުއަރީ މަހުން ފެށިގެން މަރުވާ ސިފައިންގެ އަދަދު ގުނަމުންނެވެ. މި ފަރާތްތަކުން، ހަނގުރާމާއިގައި މަރުވާ ސިފައިންގެ އަދަދު ގުނުމުގައި ގަބުރުސްތާންތަކުގައި ވަޅުލާ މީހުންގެ އަދަދުވެސް ދަނީ ބަލަމުންނެވެ.

އޭގެ އިތުރުން ރަސްމީ ރިޕޯޓްތަކާއި ނޫސްތަކާއި ސޯޝަލް މީޑިއާގެ އޯޕަން ސޯސް މައުލޫމާތުތައް ވެސް މި ހަނގުރާމމާގައި މަރުވާ މީހުންގެ އަދު އެކޮށް ހިސާބު ކުރުމުގައި ބޭނުން ކުރަމުން ދެއެވެ.

ބީބީސީން ރިޕޯޓު ކޮށްފައިވާ ގޮތުގައި، ހަނގުރާމައިގެ ދެވަނަ އަހަރުގެ ތެރޭގައި ރަޝިޔާގެ 27،300 އަށްވުރެ ގިނަ ސިފައިން މަރުވެފައި ވެއެވެ.

ބީބީސީގެ ރިޕޯޓުތަކާ ގުޅޭގިތުން ރަޝިއާއިން ވަނީ އެއްވެސް ކޮމެންޓެއް ކުރަން ދެކޮޅު ހަދާފައެވެ.

2022 ވަނަ އަހަރުގެ ސެޕްޓެމްބަރު މަހު މޮސްކޯއިން މިހާތަނަށް މަރުވި މީހުންގެ ޢަދަދު 50،000 އަށްވުރެ އިތުރުވާނެ ކަމަށް ބެލެވޭއިރު، ހަނުގާމާގައި ރަޝިއާއަށް ތާއީދުކޮށް ހަނގުރާމަކޮށް މަރުވެފައިވާ މީހުންގެ އަދަދު މިއަށްވުރެ މާބޮޑަށްވެސް އިތުރުވާނެ ކަމަށް ބެލެވެއެވެ. އޭގެ ސަބަބަކީ ޔޫކުރެއިންގެ އަވަށްތަކުގައި ރަޝިއާއަށް ތާއީދުކޮށް ހަނގުރާމަ ކުރަމުންދާ ކުލީ ސިފައިންގެ ތެރެއިން މަރުވެފައިވާ މީހުންގެ އަދަދު މީގެ ތެރޭގައި ހިމެނިފައި ނުވާތީއެވެ.