ކުރީގެ ރައީސް ޔާމީން އިސްވެ އުފައްދަވަން މަސައްކަތްކުރާ ޕީޕަލްސް ނެޝަނަލް ފްރަންޓް (ޕީއެންއެފް) އުފައްދަން ބާއްވާ ޖަލްސާ ރޭ ޣިޔާސުއްދީން ސްކޫލުގައި ބާއްވަން ކުޑަތަންވެފައި އޮއްވައި ސްކޫލު ގޭޓު ބަންދުކޮށް އެ ޖަލްސާ ބޭއްވުން ހުއްޓުވީ ފުލުހުން އެކަމަށް އެދުމުން ކަމުގައި ފުލުހުން ފުލުހުން ބުނެފިއެވެ.
ޕީޕަލްސް ނެޝަނަލް ފްރަންޓް (ޕީއެންއެފް) އުފައްދަން ބާއްވާ ޖަލްސާ ރޭ ޣިޔާސުއްދީން ސްކޫލުގައި ބޭއްވުން ހުއްޓުމާއި ގުޅޭގޮތުން ފުލުހުން ނެރުނު ބަޔޭއްގައި ވިދާޅުވީ ޣިޔާސުއްދީން ސްކޫލުގައި ހަރާކާތެއް ހިންގުމަށް އެސްކޫލު ހިންގާ ފަރާތާއެކު ވެފައިވާ އެއްބަސްވުމެއް ބާތިލްކޮށް، އެހަރަކާތް ކުރިޔަށް ނުގެންދެވޭނެކަން އެހަރަކާތް އިންތިޒާމްކުރުމުގައި އިސްކޮށް ހަރަކާތްތެރިވީ ފަރާތްތަކަށް އެންގުމުންވެސް އެހަރަކާތް އިންތިޒާމްކުރާ ފަރާތުން ހުއްދަނެތި އެ ސްކޫލަށް ވަދެ، އެހަރަކާތް ކުރިޔަށް ގެންދިއުމުގެ އިންތިޒާމް ކުރިޔަށް ގެންދާތީ އެޑިއުކޭޝަން މިނިސްޓްރީގައި އެ ސްކޫލުން އެކަމުގެ ކަންބޮޑުވުން ފާޅުކޮށްފައިވާ ކަމުގައެވެ.
އެގޮތުން ފުލުހުން ވިދާޅުވެފައިވަނީ، ސްކޫލުގެ މި އެދުމާއި ގުޅިގެން ސްކޫލު ރައްކާތެރިކޮށް އެކަން ހުއްޓުވާދިނުމަށް މިނިސްޓްރީ އޮފް އެޑިއުކޭޝަންގެ ފަރާތުން ދިވެހި ފުލުހުންގެ ޚިދުމަތުގައި އެދިފައިވާ ކަމުގައެވެ.
އަދި މި އެދުމާއި ގުޅިގެން ފުލުހުންގެ ޓީމެއް އެ ސްކޫލަށް ގޮސް އެ ހަރަކާތް ސްކޫލުގައި ކުރިޔަށް ނުގެންދެވޭނެކަން އެންގުމުންވެސް ފުލުހުންގެ އެންގުމާއި ޚިލާފަށް ހަރަކާތް ކުރިޔަށް ގެންދިއުމަށް މަސައްކަތް ކުރުމުން އެކަން ފުލުހުން ހުއްޓުވާފައިވާކަމަށްވެސް ފުލުހުންގެ ބަޔާނުގައި ވިދާޅުވެފައި ވެއެވެ.
ފުލުހުން ވަނީ ގާނޫނާ އެއްގޮތަށް، އޮން އުސޫލުގެ ތެރެއިން ކުރިޔަށް ގެންދާ މިފަދަ ހަރަކާތްތަކަށް ފުލުހުންގެ ފަރާތުން އެއްބާރުލުން އަބަދުވެސް ލިބޭނެކަމުގެ ޔަގީންކަން އަރުވާކަމުގައެވެ.
ޕީއެންއެފް އުފެއްދުމުގެ ޖަލްސާ ޢިޔާސުއްދީން ސްކޫލުގައި ބޭއްވުން މަނާކުރުމުން އެ ޕާޓީންވަނީ ޕާޓީ އުފައްދާ ހެންވޭރު ރާޅުގަނޑު ސަރަހައްދުގައި ބާއްވާފައެވެ.
