ރައްޔިތުންގެ މަޖިލިސް ވާންޖެހޭނީ ޖަވާބުދާރީ ކުރުވޭ ތަނަކަށް ކަމަށް މޯލްޑިވްސް ޓްރޭޑް އެސޯސިއޭޝަން (އެމްޓީއޭ)ގެ ޗެއަރމަން އަދި ޓްރާންސްޕޯޓް މިނިސްރީގެ ކުރީގެ ޑެޕިއުޓީ މިނިސްޓަރ ސައުދުﷲ އަހުމަދު ވިދާޅުވެއްޖެއެވެ.
ސައުދު ކުރެއްވި އެކްސް ޕޯސްޓެއްގައި ވިދާޅުވީ ސަރުކާރަށް މަޖިލިހިގެ މެޖޯރިޓީ ދީފިނަމަ ގައުމު ބޮޑު އަނދަވަޅަކަށް ވެއްޓިގެންދާނެ ކަމަށެވެ. އަދި ވަޒީރަކު ތިޖޫރީ ވަގަށް ނެގިޔަސް، ސަރުކާރަށް މެޖޯރިޓީ އޮވެގެން އެ ވަޒީރަކު ޖަވާބުދާރީ ކުރުވޭނެ ގޮތެއް ނޯންނޭނެ ކަމުގައިވެސް އޭނާ ވިދާޅުވިއެވެ.
ސަރުކާރައް މަޖުލީސް މެޖޯރިޓީ ދީފިނަމަ މި ގައުމު ބޮޑު އަނދަވަޅަކަށް ވެއްޓިގެން ދާނެ.މަޖުލީސް ވާންޖެހޭނީ ޖަވާބުދާރީ ކުރުވޭތަނަކައް. ވަޒީރަކު ދއުލަތުގެ ތިޖޫރި ވަގައް ނެގީމާ އެ އައް މަޖުލީސް ތެރެއިން ސަރުކާރައް ތާއިދުކުރާމެންބަރުން ކިހިނެއްތޯ ޖަވާބުދާރީ ކުރުވާނީ.މީ ޕާކިންޒޯން ވަގުނ
— Saudulla Ahmed (@saudullaahmed1) April 7, 2024
ރައްޔިތުންގެ މަޖިލިސް ވާންޖެހޭނީ ޖަވާބުދާރީ ކުރުވޭ ތަނަކަށް ކަމަށް ސައުދު ވިދާޅުވެފައިވާއިރު، ސަރުކާރުން ބުނަމުން ދަނީ ރައީސް މުއިއްޒުގެ ވައުދުތައް ފުއްދުމަށް ސަރުކާރަށް މަޖިލިހުގެ މެޖޯރިޓީ ބޭނުންވާ ކަމުގައެވެ. އަދި މެޖޯރިޓީ ނުލިބިއްޖެނަމަ މަޖިލިސް ވެގެންދާނީ ސަރުކާރަށް ޖެއްސުންކޮށް ދަތި ކުރާތަނަކަށް ކަމަށްވެސް ތަކުރާރުކޮށް ރައީސް މުއިއްޒު ގެންދަވަނީ ވިދާޅުވަމުންނެވެ.
