13 އަހަރުގެ ކުޑަ ކުއްޖަކަށް ބުލީ ކުރީ ވޯޑިއޯއިން ފެންނަ ހާދިސާ ހިނގާފައިވަނީ އއ. ރަސްދޫގައި ކަމަށާއި، ކުޑަ ކުއްޖާއަށް ބުލީކުރި ފަރާތްތައް ދެނަގަނެވިއްޖެ ކަމުގައި ފުލުހުން ބުނެފިއެވެ.
ފުލުހުންގެ ތަރުޖަމާ ޝިފާން ކުރި އެކްސް ޕޯސްޓެއްގައި ވިދާޅުވީ ބުލީކުރާތަން ފެންނަ ވީޑިއޯ ސޯޝަލް މީޑިއާގައި ދައުރު ނުކުރުމަށް އެދޭ ކަމުގައެވެ.
މިޙާރު އާންމުވެސް ސޯޝަލް މީޑިއާގައި ދައުރުވަމުންދާ ވީޑިއޯއިން ފެންނަނީ ދެމީހަކުވެގެން މިސްކިތެއްގެ ތެރޭގައި، ކުޑަކުއްޖަކަށް، ތަރާވީސް ނަމާދު ކުރަމުންދަނިކޮށް، މިސްކިތުގެ ފާހަނާ ތެރޭގައި ކަމަށް އިންޒާރުދީ އަނިޔާ ކުރަމުންދާ މަންޒަރެވެ. އަދި ވަރަށް ރަހުމު ކުޑަކޮށް ކުޑަކުއްޖާއާ ދޭތެރޭ އަމަލުކޮށްފައިވާތަންވެސް ވީޑިއޯއިން ފެންނަން ހުރެއެވެ. ޝިފާން ވިދާޅުވެފައިވަނީ މައްސަލަ ވަރަށް ސީރިއަސް މައްސަލައެއްގެ ގޮތުގައި ތަހުގީގުކުރަން ފަށާފައިވާ ކަމުގައެވެ.
މިމައްސަލައިގެ އިތުރު ތަފްސީލު ފުލުހުން ހާމަކޮށްފައެއް ނުވެއެވެ.
