މިއަދު މި ކިޔައިލަ ދެނީ ވަރަށް ފަސޭހައިން އަދި ވަރަށް އަވަހަށް ތައްޔާރު ކޮށްލެވޭނެ އެއްޗެކެވެ. މި ތައްޔާރު ކޮށްލުމަށް ބޭނުންވާނީ 15 ވަރަކަށް މިނިޓްއެވެ. މީގެ އިތުރުން މީ ކުޑަކުދިންގެ މެދުގައިވެސް ވަރަށް މަގުބޫލު އެއްޗެކެވެ.
ބޭނުންވާނެ ތަކެތި:
- 4 ފޮތި ޕާން (ކައިރި ނަގައިފައި)
- 4 މޭޒުމަތީ ސަމުސާ ޕިއްޒާ ސޯސް
- 1/2 ޖޯޑު ފިޔާ (ޗޮޕްކޮށްފައި)
- 1 ލޮނުމެދު (ޗޮޕްކޮށްފައި)
- 1/2 ޖޯޑު ޕެޕާ (ޗޮޕްކޮށްފައި)
- 1/2 ޖޯޑު ސްވީޓް ކޯން
- 8 ޓޮމާޓީ ސްލައިސް
- މޮޒެރެލާ ޗީޒް
ތައްޔާރު ކުރާނެ ގޮތް:
ތަވާ އުދުން މައްޗަށް އުދާށެވެ. އެއަށް ފަހު ތެޔޮފޮދެއް އަޅާ ލުމަށްފަހު ފިޔާ، ލޮނުމެދު އެޅުމަށްފަހު ވަޅޯ ވަންދެން ކައްކައިލާށެވެ. ދެން ސްވީޓް ކޯން އަދި ޕެޕާ ކޮޅު އަޅައި ރޯފިލުވާށެވެ.
ޕާނުގެ ދެ ފަރާތުން ބަޓަރު ކޮޅެއް ހާކާލުމަށް ފަހު އެއްފަރާތް ފިހެލާށެވެ. އެއަށް ފަހު ފިހުނު ފަރާތުގެ ޕާން ފޮތީގައި ޕިއްޒާ ސޯސް ކޮޅު އުނގުޅާއި ލުމަށްފަހު ތައްޔާރު ކުރި ތަރުކާރީ ކޮޅުން އެތިކޮޅެއް އަޅައިލާށެވެ. ދެން މަތީގައި ދެ ފޮތި ޓޮމާޓޯ ބޭންދުމަށްފަހު ޗީޒް ގެ ލޭއާ އެއް އަޅައިލާށެވެ. ހުރިހާ ޕާންފޮތި ތަކެއް ވެސް މިގޮތަށް ހަދައިލުމަށް ފަހު މަޑު ގިނީގައި މަތި ޖަހާގެން ޗީޒް ކޮޅު މެލްޓް ވަންދެން ތަވާ ބައިންދާށެވެ.
