ކޮޕީ ފަތަކީ އާންމުކޮން ރޯދަމުހުގައި ވަރަށް ތިޔާގި އެއްޗެކެވެ. މިއީ ރޯދަމަހުގައި އެންމެ ގިނައިން ކެއުމުގައި ބޭނުން ކުރެވޭނެ އެއް ވައްތަރ ފަތް ކަމުގައި ބުނުމަކީ ދޮގަަށް ނުވާނެއެއެވެ.
ކޮޕީފަތަކީ ފައިދާ ހުރި އަދި ހެޔޮ އަގުގައި ލިބެން ހުންނަ ބާވަތަކެވެ. އާންމުކޮން ކަންމަތީ ފިހާރައިން ވެސް ލިބެން ހުންނަ އެއްޗެކެވެ. މިއަދު ގެނެސްދޭނީ ކޮޕީ ފަތު ސެލެޑް ތައްޔާރު ކުރާނެ ގޮތެވެ.
ބޭނުންވާނެ ތަކެތި:
- 4 ކޮޕީފަތް ( ތުނިކޮން ކޮށާލައިފައި)
- 1 ފިޔާ ކުޑަ (ޗޮޕްކޮށްލާފައި)
- 2 ތޮޅި މިރުސް (ކޮށާާލައިފައި)
- ލޮބޯ އެއްގެ ފަޅިއެއް
- ލޮނުކޮޅެއް
- އަސޭމިރުސް ކޮޅެއް
ތައްޔާރު ކުރާނެ ގޮތް:
އެންމެ ފުރަތަމަ ފިޔާ އަދި ތޮޅި މިރުސްކޮޅު، ލުނބޯ ހުތް ޖަހައިގެން ރަނގަޅަށް މޮޑެލާށެވެ. ދެން އަސޭމިރުސް އަދި ލޮނު ހެޔޮވަރު ކޮށްލުމަށްފަހު ކޮޕީފަތްކޮޅު އެއްކޮށްލާށެވެ. ހަނދާން ބަހައްޓަންވީ ކަމަކީ ކޮޕީފަތް އެޅުމަށް ފަހު ގަދައަށް ނުމޮޑުމެވެ. މޮޑެފިނަމަ ހިތި ރަހައެއް ލާނެއެވެ.
