އިނގިރޭސި ވަލީ އަހުދު ޕްރިންސް ވިލިއަމްސްގެ އަނބިކަބަލުން ޕްރިންސް އޮފް ވޭލްސް ކެތަރިން ކެންސަރަށް ޕޮޒިޓިވް ވެފައިވާކަން އޭނާ ހާމަކޮށްފިއެވެ.
ޕްރިންސެސް އޮފް ވޭލްސް ކެތަރިން މިއަދު ބުނެފައިވަނީ އޭނާއަށް ކެންސަރު ޖެހިފައިވާ ކަމަށާއި ކީމޯތެރަޕީގެ ފަރުވާގެ "ފުރަތަމަ މަރުހަލާގައި" ހުރި ކަމަށެވެ.
"ބޮޑު ޝޮކެއް" ގެ ގޮތުގައި ޕްރިންސެސް އޮފް ވޭލްސް ކެތަރިން ސިފަކުރި މި ޚަބަރު އޭނާ އާންމު ކޮށްފައިވަނީ ވީޑިއޯ މެސެޖެއްގައި ނަމަވެސް އެއީ ކޮން ކަހަލަ ކެންސަރެއް ކަމެއް ކޭޓް ވިދާޅެއް ނުވެ އެވެ. ކެންސިންޓަން ޕެލަސްއިން ކުރިން ބުނެފައިވަނީ ކެންސަރު ނެތް ބަނޑުގެ ބައްޔެއްގެ ސާޖަރީއެއް އެކަމަނާ ކޮށްފައިވާ ކަމަށެވެ. އަދި އެ ސާޖަރީއާއެކު އެކަމަނާ އާންމު ދިރިއުޅުމާ ވަގުތީ ގޮތުން ދުރަށް ވަޑައިގެންނެވިތާ ދެ މަސް ވެފައި ވެއެވެ.
"ޖެނުއަރީ މަހުގެ ތެރޭގައި ލަންޑަނުގައި ބަނޑުގެ ބޮޑު އޮޕަރޭޝަނެއް ކޮށް، އޭރު ހީކުރެވުނީ އަހަރެންގެ ހާލު ކެންސަރު ނޫން ކަމަށް،" އިނގިރޭސި ރަސްގެފާނުގެ ވާރިސު ޕްރިންސް ވިލިއަމްއާ ކައިވެނި ކޮށްގެން އުޅޭ ކެތަރިން، 42، ބުންޏެވެ.
ކެތަރިން ކެންސަރަށް ޕޮޒިޓިވް ވެފައިވާއިރު، އިނގިރޭސި ރަސްގެފާނުން ޗާލްސްވެސް ކެންސަރަށް ޕޮޒިޓިވް ވެ އޭނާވެސް ގެންދަވަނީ ކެންސަރަށް ފަރުވާ ހޯއްދަވަމުންނެވެ.
