ބަތުގެ ތަފާތު ބާވަތްތަށް ރޯދަމަހުގައި އާންމުކޮން ދިވެހިން ކައި އުޅެނީ ހާރުދަމު ނުވަތަ ތަރާވީހް ވަގުތުގައިއެވެ. އާންމުކޮން ބަތުގެ ތަފާތު ބާވަތްތަށް ދިވެހިންގެ ތެރޭގައި ތައްޔާރު ކުރެއެވެ. މިއަދު މި ގެނެސްދެނީ ޓޮމާޓޯ ބަތް ތައްޔާރު ކުރާނެ ގޮތެވެ.

ބޭނުން ވާނެ ތަކެތި:

• 2 ޖޯޑު ހަނޑޫ (ބަތް ކައްކާފައި)
• 1 ގިތެޔޮ މިރުސް
• 1 ޓޮމާޓޯ ޕޭސްޓް ޕެކެޓް
• 1 ފިޔާ (ތުނިކޮން ކޮށައިލާފަ)
• 2 ލޮނުމެދު (ތުނިކޮން ކޮށާލައިފައި)
• 1 ހިކަނދި ފަތް
• 1 ހިކިމަސް ގަނޑު (ކޮށާލައިފައި)
• 3 މޭޒުމަތީ ސަމްސާ ތެޔޮ
• ލޮނުކޮޅެއް

ތައްޔާރު ކުރާނެ ގޮތް:

އެންމެ ފުރަތަމަ ތެޔޮ ކޮޅު ތެއްޔަށް އަޅާލުމަށްފަހު އުދުން މައްޗަށް އުދާށެވެ. ތެޔޮ ކޮޅު ހޫނުވުމުން ފިޔާ، ލޮނުމެދު އަދި ހިކަނދިފަތް ކޮޅު އަޅައި ވަޅޯ ކޮށްލާށެވެ. ރަނގަޅަށް ވަޅޯ ވުމުން މަސްކޮޅު އަަދި ގިތެޔޮ މިރުސް ކޮޅު އަޅާއި ރަނގަޅަށް ހަނާ ކޮށްލާށެވެ. އެއަށް ފަހު ޓޮމާޓޯ ޕޭސްޓް ޕެކެޓް އަޅައި ރަނގަަޅަށް ކައްކައިލަށެވެ. އެކުކުމް ބަތް ކޮޅު އަޅައިލާށެވެ. މިހާރު ހުންނާނީ ޓޮމާޓޯ ބަތް ތައްޔާރު ވެފައިއެވެ.