ރާއްޖޭގައި އަރިދަފުސް ރޯގާ ޖެހޭ މީހުންގެ އަަަދަދު މަދުވާން ފަށާފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ ތަފާސް ހިސާބުތައް ދައްކައިފިއެވެ.
އެޗްޕީއޭ އިން ބުނީ މި އަހަރުގެ ޖެނުއަރީ މަހު އަރިދަފުސް ރޯގާގެ 29،764 ކޭސް ރިޕޯޓު ކުރި ނަމަވެސް މިދިޔަ މަހު ރިޕޯޓްކޮށްފައިވަނީ 29،170 ކޭސްއެވެ. ޖެނުއަރީ މަހު ޑެންގީ ހުންޖެހިގެން 145 ކޭސް ރިޕޯޓް ކުރިއިރު، މިދިޔަ މަހު ރިޕޯޓްކޮށްފައިވަނީ 115 ކޭސްއެވެ.
އެޗްޕީއޭ އިން އާންމު ކުރި މައުލޫމާތުތަކަށް ބަލާ އިރު ބޭރަށް ހިންގުމުގެ ކޭސްތައް ވެސް ވަނީ މަދުވެފައެވެ. މިގޮތުން މި އަހަރުގެ ޖެނުއަރީ މަހު 5،4000 ކޭސް ރިޕޯޓުކޮށްފައިވާ އިރު، މިދިޔަ މަހު ރިޕޯޓުކޮށްފައި ވަނީ 5،148 ކޭސްއެވެ.
ނަމަވެސް މިއީ މިދިޔަ އަހަރުގެ މި މުއްދަތާ އަޅާ ބަލާއިރު އިތުރުވުމެކެވެ. މިގޮތުން މިދިޔަ އަހަރު ޖެނުއަރީ މަހު ބޭރަށް ހިންގުމުގެ 3،502 ކޭސް ރިޕޯޓްކޮށްފައިވާއިރު ފެބްރުއަރީ މަހު ރިޕޯޓްކޮށްފައިވަނީ 4357 ކޭސްއެވެ.
