ހަލުވީދާ އަކީ ހާއްސަ ކޮން ކުޑަކުދިންގެ މެދުގައި ވަރަށް މަގުބޫލު އެއްޗެކެވެ. އަދި އާންމު މަސްތަކުގައިވެސް ވަރަށް ގިނައިން ދިވެހިން ތައްޔާރު ކުރާ ފޮނި ބާވަތެކެވެ.

ހަލުވީދާ އަކީ އާންމުކޮން ރާއްޖޭގެ ހުރިހާ ފިހާރައަކުން ވެސް ފަސޭހަ ކަމާއި އެކުގައި ލިބެން ހުންނަ އެއްޗެކެވެ. އަދި މިއީ ޖީބަށް ލުއި ކޮށް ތައްޔާރު ކޮށްލެވޭ މީރު އެއްޗެކެވެ.

ބޭނުންވާނެ ތަކެތި: 

• 1/2 ޕެކެޓް ހަލުވީދާ
• 3 ޖޯޑު ފެން
• 1 ދަޅު ގެރި ކިރު
• 1/2 ރޯސް ސިރަޕް
• ވެނީލާ އެސެންސް

ތައްޔާރު ކުރާނެ ގޮތް:

އެންމެ ފުރަތަމަ ފެން ފޮދު އުދުން މައްޗަށް އުދާށެވެ. ދެން ފެން ފޮދު ކެކެން ފެށުމުން ހަލުވީދާ އަޅައިލާށެވެ. ހަލުވީދާ ކެކުމުން އެއަށް އެސެންސް އަދި ރޯސްސިރަޕް އަޅައި އުދުން ނިއްވައިލާށެވެ. ދެން ގެރިކިރު އަޅައި ހާކަމުން ދާށެވެ. ރަނގަޅަށް ހުރިހާ އެއްޗެއް އެކުވުމުން ސެޓް ކުރުމަށް ޓްރޭއަކަށް އަޅައިލާށެވެ. ސެޓުވުމުން ފިނި ކޮށްލާށެވެ. އޭރަށް ހުންނާނި ރޯސްސިރަޕް ހަލުވީދާ ތައްޔާރު ވެފައިއެވެ.