މުގަކީ އޭގެން ގިނަ ފައިދާ ތަކެއް ލިބިދޭ އެއްޗެކެވެ. މުގަކީ އަޅުގަނޑުމެންގެ އާންމު ދިރިއުޅުމުގައިވެސް ވަރަށް ގިނަ އިން ބޭނުންކުރާ އެއްޗެކެވެ. ހާއްސަކޮށް މުގު ރިހަ އަކީ ދިވެހިންގެ މެދުގައި ވަރަށް މަގުބޫލު އެއްޗެއްކެވެ.
މިއަދު މި ގެނެސްދެނީ މުގު ބަތެވެ. މި ބަތް ގަނޑަކީ ސިއްހަތަށް ފައިދާ ހުރި މީރު ބަތް ގަނޑެކެވެ. ހާރު ގަޑީގައި ސުފުރާ ފަޅުފިލުވައިލުމަށް މި ބަތްގަނޑު ތައްޔާރު ކޮށްލުން ކިހިނެއް ވާނެތޯއެވެ.
ބޭނުންވާނެ ތަކެތި:
- 1 ޖޯޑު ހަނޑޫ
- 1/3 ޖޯޑު މުގު
- 1 ފިޔާ
- 2 މޭޒުމަތީ ސަމުސާ ގިތެޔޮ
- 1/3 ސައިސަމުސާ ނުމުގުރާހުރި ދިރި
- ½ 2 ޖޯޑު ފެން
- 2/3 ސައިސަމުސާ ލޮނު (ނޫނީ ބޭނުން ވަރަކަށް)
ތައްޔާރު ކުރާނެ ގޮތް:
ހަނޑުލާއި މުގު ރަނގަޅަށް ދޮވެ ފުރާނާފައި އެހައް ބަހައްޓާލާށެވެ. ނިކަން ތުނިކޮށް ފިޔާ ކޮށާލާށެވެ. މޭޒުމަތީ ސަމުސަލެއްގެ ގިތެޔޮ ތެއްޔަކަށް އަޅައި ހޫނު ކުރާށެވެ. އަދި ހޫނުވުމުން ފިޔާކޮޅު އޭގެ ތެރެއަށް އަޅާލާށެވެ.
ފިޔާކޮޅު ރަތްވަންދެން ކައްކާށެވެ. ބިރިޔާނީގައި ހުންނަވަރަށެވެ. ފިޔާކޮޅު ރަތްވުމުން އެއްޗަކަށް ނަގާށެވެ. އަނެއްކާވެސް މޭޒުމަތީ ސަމުސަލެއްގެ ގިތެޔޮ ތެއްޔަށް އަޅާލާށެވެ. މިފަހަރު ގިތެޔޮކޮޅު ހޫނުވެލީމާ އަޅާނީ ދިރިކޮޅެވެ. ދިރިކޮޅު އަޅާލުމަށްފަހު ބައިމިނެޓެއްހާއިރު ކެކިލަން ދޭށެވެ.
ދެން ހަނޑުލާއި މުގު ތެއްޔަށް އަޅާށެވެ. ގިނި މަޑުކޮށް ބަހައްޓައިގެން ހުއްޓާނުލާ ހަލަމުން މުގާއި ހަނޑުލަށް ރަތްކުލަ އަރަން ފަށަންދެން ކައްކާށެވެ. އަހަރުމެންނަށް މިކަމަށް ނެގީ 20 މިނެޓެވެ.
ދެން ފެނާއި ލޮނު ތެއްޔަށް އަޅާލާފައި ހުރިހާ އެއްޗެއް ރަނގަޅަށް އެއްކޮށްލާށެވެ. ދެން މެދު ގިނީގައި އަދި ތެލީގައި މަތިޖަހާފައި ބަހައްޓައިގެން ތެލީގައިވާ ތަކެތި ކެކިގަންނަންދެން ކައްކާށެވެ. ކެކިގަތީމައި ގިނި މަޑުކޮށްލާށެވެ. ދެން ފެންގަނޑު އެކީ ހިނދެންދެން ކައްކާށެވެ. ދެން ކުރިން ރަތްކުރި ފިޔާކޮޅު ތެއްޔަށް އަޅާ އެއްކޮށްލާށެވެ. އެއިރުން އެނިމުނީއެވެ.
