ކިޔުންތެރިންނަށް މިއަދު މި ގެނެސްދެނީ މީރު ބަތް ގަނޑެއް ތައްޔާރު ކޮށްލާނެ ގޮތެވެ. ކުކުޅު މަސްބަތަކީ އާންމުކޮން ކައްކާ މަސްބަތްތަކާއި މާބޮޑު ތަފާތެއް ނެއް ނަމަވެސް ތަފާތު ބަތް ގަނޑަކަށް ވާނެއެވެ. މި ކަހަލަ ބަތްގަނޑު ތަށް އާންމުކޮށް ހާރު ކެއުމަށް ނުވަތަ ތަރާވިހަށް ތައްޔާރު ކޮށްލެވިދާނެއެވެ.
ބޭނުންވާނެ ތަކެތި:
- 1 ޖޯޑު ކޮށާފައިހުރި ކުކުޅު
- ½ ސައިސަމުސާ މުގުރި އަސޭމިރުސް
- ¼ ޖޯޑު ތެޔޮ (ކުކުޅު ތެލުލުމަށް)
- 1 ޖޯޑު ނުކައްކާހުރި ހަނޑޫ
- 1 ފިޔާ
- 1 ލޮނުމެދު
- 1 އިންޗީގެ އިނގުރު
- 2 ޓޮމާޓޯ
- 2 މޭޒުމަތީ ސަމުސާ ތެޔޮ (ފިޔާ މީރު ކުރަން)
- 3 އިންޗީގެ ފޮނިތޮށި
- 3 ކާފޫރުތޮޅި
- ½ ސައިސަމުސާ ނުމުގުރާހުރި އަސޭމިރުސް
- ¼ ގިތެޔޮ މިރުސް (ނޫނީ ބޭނުން ވަރަކަށް)
- 1/3 ސައިސަމުސާ ރީނދޫ
- ¼ ސައިސަމުސާ މުގުރި ދިރި
- ¼ 2 ޖޯޑު ފެން
- 1 ސައިސަމުސާ ލޮނު (ނޫނީ ބޭނުން ވަރަކަށް)
- ½ ޖޯޑު ކޮށާފައިހުރި ކޮތަނބިރި ފަތް
ތައްޔާާރު ކުރާނެ ގޮތް:
ކުކުޅުކޮޅާއި، މުގުރި އަސޭމިރުހާއި، 1/3 ސައިސަމުސަލުގެ ލޮނުކޮޅެއް އެއްކޮށްލާށެވެ. ¼ ޖޯޑުގެ ތެޔޮ ތެއްޔަކަށް އަޅާފައި ހޫނު ކުރާށެވެ. އެ ރަނގަޅަށް ހޫނުވުމުން ކުކުޅުކޮޅު އަޅާލާށެވެ. ކުކުޅުކޮޅު ރަތްވެ މުރަނަވަންދެން ތެލުލާށެވެ. ތެލުލެވުމުން ތަށްޓަކަށް ނަގާފައި އެހަށް ބަހައްޓާށެވެ.
ހަނޑޫކޮޅު ރަނގަޅަށް ދޮންނާށެވެ. ފިޔާ ތުނިކޮށް ކޮށާފައި ލޮނުމެދާއި އިނގުރު ޗަސްކުރާށެވެ. ޓޮމާޓޯ ފަޅާލާ އޮށްކޮޅު ނަގާފައި ގޮޅިކޮށް ކޮށާލާށެވެ. ތެޔޮކޮޅު ތެއްޔަކަށް އަޅާލާށެވެ. ރަނގަޅަށް ހޫނުވުމުން، ފިޔާކޮޅާއި، ފޮނިތޮށްޓާއި، ކާފޫރުތޮޅިކޮޅާއި، އަސޭމިރުހާއި ގިތެޔޮ މިރުސްކޮޅު ތެއްޔަށް އަޅައި ފިޔާކޮޅު މަޑުވެ އެއަށް މުށިކުލަ އަރަން ފަށަންދެން ކައްކާށެވެ.
އިނގުރާއި ލޮނުމެދުކޮޅު އަޅާ އެއްކޮށްލާފައި މިނެޓެއް ހާއިރު ކައްކާލާށެވެ. ދެން ރީނދޫކޮޅާއި ދިރިކޮޅު އަޅާ އެއްކޮށްލާފައި އަނެއްކާވެސް މިނެޓެއް ހާއިރު ކައްކާލާށެވެ. ދެން ހަނޑޫކޮޅު ތެއްޔަށް އަޅާފައި ހުއްޓާނުލާ ހަލަމުން އަނެއްކާވެސް މިނެޓެއް ހާއިރު ކައްކާލާށެވެ. ދެން ފެނާއި ލޮނު ތެއްޔަށް އަޅާށެވެ. އަހަރުމެން އެޅީ 2/3 ސައިސަމުސަލުގެ ލޮނެވެ.
ތެލީގައިވާ ތަކެތި ކެކިގަންނަންދެން ހޫނު ކުރާށެވެ. ކެކިގަތީމާ ގިނި މަޑުކޮށްލާށެވެ. ގާތްގަނޑަކަށް އެއްކޮށްހެން ފެން ހެދުނީމާ ޓޮމާޓޯކޮޅު އަޅާލާފައި މަޑު މަޑުން އެއްކޮށްލާށެވެ. ދެން އެއްކޮށް ފެން ހިނދުނީމާ ކުކުޅާއި ކޮތަނބިރިފަތްކޮޅު އަޅާ އެއްކޮށްލާފައި އުނދުން ނިވާލާށެވެ.
