އިއްޔެއާއި ހަމައަށް މަސްވެރިންނަަށް ދޭންހުރި ހުރިހާ ފައިސާއެއް ދީ ނިންމާލެވިފައިވާކަމަށް ރައީސް މުއިއްޒު ވިދާޅުވެއްޖެއެވެ.
ރައީސް ކުރެއްވި އެކްސް ޕޯސްޓެއްގައި ވިދާޅުވީ މަސްވެރިން ފާއިތުވި ހުކުރު ދުވަހާއި ހަމައަށް ބޭނި ހުރިހާ މަހަށް ފައިސާދީ މަސްވެރިންގެ ބެކްލޮގ ކުލިއަރ ކުރެވިއްޖެ (ނިންމާލެވިއްޖެ) ކަމުގައެވެ.
Miadhu dhevunu faisaa aaeku, masverin mi dhiya hukuru dhuvahaahisaabah beyni hurihaa mahah faisaa dhee masveringe backlog ekkoh clear kurevijje.
— Dr Mohamed Muizzu (@MMuizzu) March 10, 2024
7 މާރޗް 2024 ގެ ނިޔަލަށް ހުރި ބިލުތަކުގެ ފައިސާ މަސްވެރިންނަށް ދޫކުރުމުގެ މަސައްކަތް ކުރިޔަށް ދާކަމަށް ރޭ މިފްކޯއިން ވަނީ ބުނެފައެވެ.
މިފްކޯއިން ކުރި އެކްސް ޕޯސްޓެއްގައި ބުނެފައިވަނީ މަސްއޮޑިފަހަރަށް ދޫކުރާ ފައިސާގެ ތެރެއިން 7 މާރޗް 2024 ގެ ނިޔަލަށް ހުރި ބިލުތަކުގެ ފައިސާ ދޫކުރުމުގެ މަސައްކަތް މިހާރު ކުރިއަށް ދާކަމަށެވެ. އަދި މި ފައިސާ ދައްކާ ނިންމުމުން މިހާތަނަށް ނުދެއްކި ހުރި ހުރިހާ ފައިސާއެއް ދައްކާ ޚަލާސް ކުރެވޭނެކަމަށް އެކުންފުނިން ބުނެފައި ވެއެވެ.
މިފްކޯއިން މަސްވެރިންނަށް ނުދެއްކި ހުރި ހުރިހާ ފައިސާއެއް ރޯދައިގެ ދައްކާ ޚަލާސް ކުރައްވާނޭކަމަށް ކުރިން ރައީސް މުއިއްޒުވަނީ ވިދާޅުވެފައެވެ.
މަސްވެރިންނަށް މަސްކިރާތާ 48 ގަޑިއިރުތެރޭ ފައިސާ ދިނުމަކީ ރައީސް މުއިއްޒުގެ ރިޔާސީ ވައުދެކެވެ. ފިޝަރީޒް މިނިސްޓަރ ވިދާޅުވެފައިވަނީ އެވައުދާ އެއްގޮތަށް މިވަގުތު ފައިސާ ދެވޭގޮތް ނުވިނަމަވެސް އަމާޒަކީ ކުރިޔަށް އޮތް ތަނުގައި މަސްކިރާތާ 48 ގަޑިއިރުތެރޭ މަސްވެރިންނަށް ފައިސާ ދޫކުރުން ކަމުގައެވެ.
