ފުރުޓް ލެމިނޭޑް އަކީ ތަފާތު ވައްތަރުގެ ފުރުޓް ބޭނުން ކޮށްގެން ތައްޔާރު ކުރާ ބުއިމެކެވެ. އާންމުން ކޮން މި ބުއިން ތައްޔާރު ކުރަނީ ހުތް މޭވާ ބޭނުން ކޮށްގެންނެވެ.
މީ ވަރަށް ރިފުރެޝިންގ ބުއިމެކެވެ. ވަރަށް ފިނިކޮށްލައިގެން ބޭނުން ކުރުމުން މީގެ މީރުކަން އިތުރު ކޮށްދޭކަމަށް ވެއެވެ. މި ބުއިމަކީ ރޯދަ ވިއްލާ ގަޑީގައި ކަރުހިއްކުން ފިލުވައިލުމަށް ބޭނުން ކުރެވިދާނެ ބުއިމެކެވެ.
ބޭނުންވާނެ ތަކެތި:
- 1 ލުނބޯ
- 1ފެޝަން ފުރުޓް
- 10 ބްލޫބެރީ
- 6 މިންޓް ލީފް
- 3 ސްޓްރޯބެރީ
- 2 ތަށު ފެން
- 1/2 ތަށި ހަކުރު
ތައްޔާރު ކުރާނެ ގޮތް:
އެންމެ ފުރަތަމަ ސްޓްރޯބެރީ އަދި ބުލޫ ބެރީ ކޮޅު ޖަގެއްގައި ޗަސްކޮށްލާށެވެ. އެއަށް ފަހު ފެޝަން ފުރުޓް އެޅުމަށްފަހު ލުބޯގެ ހުތް ފެތާލާށެވެ. ދެން ފެން އަޅާ ގިރާލުމަށްފަހު ހަކުރު އަޅާ ފޮނި ހެޔޮވަރު ކޮށްލާށެވެ. ދެން މައްޗަށް މިންޓް ލީފް ކޮޅު އަޅައި ފިނި ކޮށްލާށެވެ.
