ސްޓްރޯބެރީ އަކީ މިހާރު އާންމުކޮން ރާއްޖޭގެ ހުރިހާ ފިހާރައަކުންވެސް ލިބެން ހުންނަ އެއްޗެކެވެ. މި ތައްޔާރު ކުރުމަށް އަމިއްލަ އަށް ޖެލީ ތައްޔާރުވެސް ކުރވިދާނެއެވެ. ނަމަވެސް މި ރެސިޕީގައި ބޭނުން ކުރާނީ ފިހާރައިން ގަންނަން ލިބޭ ޖެލީ އެވެ.

ބޭނުންވާނެ ތަކެތި:

• 6 ސްޓްރޯބެރީ
• 1/2 ޖޯޑު ފުލްކްރީމް
• 2 ސްކޫޕް ވެނީލާ އައިސްކްރީމް
• 2 ތަށި ސްޓްރޯބެރީ ޖެލީ
• 2 މޭޒުމަތީ ސަމުސާ ހަކުރު

ތައްޔާރު ކުރާނެ ގޮތް:

ސްޓްރޯބެރީ އަދި ފުލްކްރީމް މިލްކް ކޮޅު މިކްސަރަށް އަލައި ރަނގަޅަށް ގިރައިލާށެވެ. ދެން ހަކުރު ކޮޅު ވެސް އަޅައި އެއްކޮށްލާށެވެ. ޖަގަކަށް ކޮށައިލާފައި ޖެލީ ކޮޅު އަޅާށެވެ. އަދި ތއްޔާރު ކުރި ސްޓްރޯބެރީ އަޅާށެވެ. ދެން އައިސްކްރީމް ކޮޅު އަޅައިލާށެވެ. މިހާރު ހުންނާނީ ސްޓްރޯބެރީ ޖެލީ ތައްޔާރުވެފައިއެވެ.