ބަރެޑް ރޯލް އަކީ ވަރަށް ކްރިސްޕީ އަދި ވަރަށް ކްރީމި އެއްޗެކެވެ. މީ ޕާން ބޭނުންކޮށްގެން ތައްޔާރު ކޮށްލެވިދާނެ ވަރަށް އަނގަޔަށް މީރު އަވަހަށް ތައްޔާރު ކޮށްލެވެނޭ ބާވަތެކެވެ.
ބޭނުންވާނެ ތަކެތި:
- 4 ފޮތި ޕާން
- 1 ޗިކަން ބްރެސްޓް (ކުދިކޮށް ކޮށާފައި)
- 1/2 ޖޯޑު ފިޔާ (ޗޮޕް ކޮށްފައި)
- 2 ލޮނުމެދު (ޗޮޕް ކޮށްފައި)
- 1/2 ޖޯޑު ސްވީޓްކޯން
- 1/2 ޖޯޑު ޗީޒް
- ދެ މޭޒުމަތީ ސަމުސާ ކްރީމް
- މިރުހެއްގެ ހަތަރުބައިކުޅަ އެއްބައި
- ލޮނު
- އަސޭމިރުސް
- 3 މޭޒުމަތީ ސަމުސާ ޔެތޮ
ތައްޔާރު ކުރާނެ ގޮތް:
އެންމެ ފުރަތަމަ ތަވާ އުނދުން މައްޗަށް އުދާނިއެވެ. އެއަށް ފަހު ތެޔޮ ކޮޅު ހޫނު ވުމުން ފިޔާ ކޮޅާއި ލޮނުމެދު އަޅައި ރަނގަޅަށް ވަޅޯ ކޮށްލާނީއެވެ. އެއަށް ފަހު އަދި ލޮނު އަސޭމިރުސް ރަހަ ލާވަރަށް އެޅުމަށް ފަހުު އަދި ކުކުޅު ކޮޅު އަޅައި ރަނގަޅަށް ރޯ ފިލުވާލާނީއެވެ.
ރަނގަޅަށް ކުކުޅު ރޯފިލުމުން އުދުން މަތިން ބާލާށެވެ. ދެން ކްރީމް ޗީޒް އަޅައި އެއްކޮށްލާށެވެ. އެއަށް ފަހު ކޯން ކޮޅުވެސް އެއްކޮށްލުމަށް ފަހު ހިހޫ ކޮށްލުމަށް ބަހައްޓާށެވެ.
ޕާން ފޮތީގެ ކައިރި ނެގުމަށްފަހު ރޮށި ދަމާ އެތިން ރަނގަލަށް ތުނި ވާވަރަށް ދަމައިލާށެވެ. ރަނގަޅަށް ތުނި ވުމުން އެތެރެއަށް ކުކުޅު ކޮޅު އަޅައި ޕާންފޮތި ވަށައިގެން ފެން ފޮދެއް އުނގުޅާލާށެވެ. އެއަށް ފަހު ރޯލް އެއްގެ ޝޭޕް އަށް އޮޅާލާ ރަނގަޅަށް ދެކޮޅުން ބައްދާލާށެވެ. ދެން އަވަން އަށް ލުމަށްފަހު ފިހެލާށެވެ.
