ކޯރަމް ހަމަ ނުވެގެން މަޖިލީހުގެ މިއަދުގެ ޖަލްސާ މެދުކަނޑާލައިފިއެވެ.
މަޖިލީހުގެ ރިޔާސަތުގައި މިއަދު އިންނެވި، މަޖިލީހުގެ ނާއިބު ރައީސް އަހުމަދު ސަލީމް ވަނީ 9 ޖެހި އިރުން ފެށިގެން ކޯރަމް ހަމަ ވޭތޯ މަޑުކޮށް ހަމަ ނުވުމުން، 10 ޖަހާއިރު އަލުން ޖަލްސާ ފަށަން މަސައްކަތް ކުރައްވާނެ ކަމަށް ބުނެ މިއަދުގެ ޖަލްސާ މެދު ކަނޑާލާފައެވެ. ސަލީމް ވަނީ ކޯރަމް ހަމަ ކުރުމަށް ޕާލަމެންޓްރީ ގްރޫޕުގެ ލީޑަރުންގެ އެއްބާރުލުން ދެއްވުމަށް އެދިވަޑައިގެންފައެވެ.
ކޯރަމް ހަމަ ނުވެގެން މަޖިލީހުގެ މިއަދުގެ ޖަލްސާ މެދުކަނޑާލި އިރު، މިއަދުގެ އެޖެންޑާގައި މުހިންމު މަސައްކަތް ތަކެއް ވަނީ ހިމަނާފައެވެ.
އެގޮތުން ކެބިނެޓްގެ ވަޒީރުންގެ ތެރެއިން ރައްޔިތުންގެ މަޖިލީހުގެ ރުހުން ލިބިފައިނުވާ 3 ވަޒީރުންގެ އަލުން ޢައްޔަންކުރައްވާ ފައިވާތީ، ގަލޮޅު އުތުރު ދާއިރާ ގެ މެންބަރު އީވާ ޢަބްދުالله ހުށަހަޅުއްވާފައިވާ ގަރާރުގެ ބަހުސް ކުރިއަށް ގެންދިޔުމާއި، މަސްވެރިންނަށް ދޫކުރަންޖެހޭ ފައިސާ ވީއެންމެ އަވަހަކަށް ދޫކުރުމަށް ސަރުކާރަށް ގޮވާލައި އައްޑޫމީދޫ ދާއިރާގެ މެންބަރު ރޮޒެއިނާ އާދަމް ހުށަހަޅުއްވާފައިވާ ގަރާރަށް ބަހުސް ކުރުން ހިމެނެއެވެ.
މީގެ އިތުރުން މޯލްޑިވްސް ބްރޯޑްކ ސްޓިންގ ކޮމިޝަންގެ މެންބަރެއްގެ މަޤާމު ހުސްވެފައިވާތ،ީ އެ ކޮމިޝަނުގެ މެންބަރުކަމަށް ޢައްޔަންކުރެއްވުމަށްޓަކައި ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވާފައިވާ ނަންފުޅުތައް މިނިވަން މުއައްސަސާ ތަކުގެ ކޮމިޓީން ދިރާސާ ކޮށް ނިންމިގޮތުގެ ރިޕޯޓަށް ވޯޓަށް އެހުމާއި، ވަޒީރުންނާ ސުވާލުކުރުމުގެ ޤާނޫނު އުވާލުމުގެ ބިލު ބަލައިގަތުމާ ގުޅޭގޮތުން ވޯޓަށް އެހުންވެސް ހިމެނެއެވެ.
