ކުރީގެ ސަރުކާރުގެ ބިންވެރިޔާ ސްކީމްގެ ދަށުން ގިރާވަރުފަޅުން ގޯތި ލިބުނު މީހުންނަށް ގުޅީފަޅުން ގޯތި ލިބުމުގެ ފުރުސަތު އެބައޮތް ކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެ އެވެ.
ސަރުކާރުން ގެނެސްދެމުންދާ "ރައީސްގެ ޖަވާބު" ސިލްސިލާ ޕްރޮގްރާމްގައި މީހަކު ވަނީ ގިރާވަރުފަޅުން ގޯތި ލިބުނު މީހުން ބޭނުން ނަމަ ގުޅީފަލު ނުވަތަ ހުޅުމާލެއަށް ބަދަލުކުރެވޭނެ ގޮތެއް އޮތްތޯ ރައީސްއާ ސުވާލުކޮށްފަ އެވެ.
އެ ސުވާލަށް ޖަވާބު ދެއްވަމުން ރައީސް މުއިއްޒު ވިދާޅުވީ ގިރާވަރުފަޅުން ގޯތި ލިބުނު އެހެން ބައެއް ފަރާތްތަކުން ވެސް އެ ސުވާލު ކުރި ކަމަށާއި އަދި ވަކި ގޮތެއް ނިންމާފައި ނުވާ ކަމަށެވެ.
އެހެންވީމާ ގިރާވަޅު ފަޅުން ގޯތި ލިބުނު މީހުން ގުޅިފަޅުން ގޯތި ހަމަޖެހުމަކީ ފުރުސަތު އޮތް ކަމެއްގެ ގޮތުގައި ބައްލަވާ.
ރައީސް ވިދާޅުވި އެވެ.
ގިރާވަރުފަޅުން ގުޅީފަޅަށް ގޯތި ދޫކުރާ ގޮތަށް ބަދަލު ގެނައުމުގެ ފުރުސަތު އެބައޮތް ކަމަށާއި އެކަމަށް މި ސަރުކާރުން ސީރިއަސްކޮށް އެޓެންޑް ކުރާނެ ކަމަށް ރައީސް ވިދާޅުވި އެވެ.
