ރައްޔިތުން ހަވާލުކުރި ޒިންމާ ފުރިހަމަޔަށް އަދާކުރުމަށް މަޖިލިސް މެޖޯރިޓީ ބޭނުން: ރައީސް

ރައްޔިތުން ހަވާލުކުރި ޒިންމާ ފުރިހަމަޔަށް އަދާކުރުމަށް މަޖިލިސް މެޖޯރިޓީ މުހިންމު ކަމުގައި ރައީސް ޑރ. މުއިއްޒު ވިދާޅުވެއްޖެއެވެ.

ރައީސް މުއިއްޒު މިހެން ވިދާޅިވ ީފުވައްމުލަކު ސިޓީގެ ރައްޔިތުންނާއެކު ރޭ ބޭއްވި ބައްދަލުވުމުގައި ވާހަކަފުޅުދައްކަވަމުންނެވެ.

ރޭގެ ވާހަކަފުޅުގައި ރައީސް މުއިއްޒު ވަނީ، ރައީސްކަމުގެ ހުވާ ކުރެއްވުމަށްފަހު ރައްޔިތުންގެ މަޖިލިހުގެ ތެރޭގައި ކުރިމަތިވެވަޑައިގެންނެވި ގޮންޖެހުންތަކާއި ދަތިތަކުގެ މައްޗަށް އަލިއަޅުއްވާލައްވާފައެވެ.

ރައީސް ވިދާޅުވީ ވެރިކަމުގެ ފުރަތަމަ 100 ދުވަސް ނުވަތަ ހަފްތާ 14ގެ މަސައްކަތް މިދިޔައީ އެންމެ ފަސޭހަ ގޮތަކަށް ނޫން ކަމަށެވެ.

އަދި މަޖިލިހުގެ ތެރެއިން ކަންކަން ފަސޭހަ ވާނެކަމަށް އުއްމީދު ނުކުރެއްވި ނަމަވެސް، ކަންކަން ހިގައިގެން ދިޔައީ ދުނިޔޭގެ އެއްވެސް ތާކު ކަންކަން ދާ ގޮތަކަށް ނޫން ކަމަށް ރައީސް މުއިއްޒު ވިދާޅިވިއެވެ.

ބެލެވޭ ގޮތުގައި ރައީސް މުއިއްޒު ފާހަގަކުރެެއްވީ އެމަނިކުފާނު އަޒުލުކުރުމަށް ކުރެވިގެން ދިޔަ މަސައްކަތްތަކަށެވެ.

"އެހެންވިޔަސް، ރައްޔިތުންނަށް މިއޮތީ ރާއްޖޭގެ މުސްތަގުބަލު ބައްޓަންކުރުމުގެ ބާރު، އިންތިހާބުތަކުން މި ލިބެނީ. މިއީ މި ދެންނެވި ސީރިއަސް ބައިވަރު މަސައްކަތްތައް ކުރުމުގައި ރައްޔިތުންނަށް ހެވާއި ލާބަ ހޯދައިދިނުމުގައި ކުރަން ހުރި މަސައްކަތްތަކުގައި ވިސްނަން ޖެހޭ ވިސްނުމެއް ވީމަ މި ވާހަކަ މި ދަންނަވަނީ،" ރައީސް ވިދާޅުވި އެވެ.

"ތިޔަ ލޮބުވެތި ރައްޔިތުން އަޅުގަނޑާ ހަވާލުކުރި ޒިންމާ އަދާކުރުމުގައި، މިކުރާ މަސައްކަތް ކުރުމަށްޓަކާ އިތުރަށް ބޭނުންވާ ކަމެއްގެ ވާހަކަ މިއީ،"

ރައީސް މުއިއްޒު ވިދާޅުވީ ވެރިކަމުގެ ފުރަތަމަ 14 ހަފްތާތެރޭ ކަން ހިގައިދިޔަ ގޮތުން، ރައްޔިތުން އަމަލުކުރާންޖެހޭ ގޮތް މިހާރު ސާފުވާނެ ކަމަށެވެ.