އައްޑޫ ސިޓީ މަރަދޫގައި ހުރި ބައު ކާރުތަކެއްގައި ރޯވެއްޖެ

އައްޑޫ ސިޓީ މަރަދޫ ބަރގަރ ޝައިން ކުރިމަތީ ބައުވެ، ހަލާކުވެފަހުރި ކާރުތަކެއްގައި ރޯވި އަލިފާން، އެމްއެންޑީއެފް ސަދަން އޭރިއާ ކޮމާންޑް، ސ.ހިތަދޫ ފަޔަރ ސްޓޭޝަންގެ ފަޔަރފައިޓަރުން ހަރަކާތްތެރިވެ ނިއްވާލާފައިވާކަމަށް އެމެއެންޑީއެފްއިން ބުނެފައި ވެއެވެ.

އެމްއެންޑީއެފްއިން ބުނެފައިވަނީ މި ހާދިސާގެ ރިޕޯޓް މިއަދު 11:13 ހާއިރު އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނަށް ލިބުމާއެކު، އެ ސްޓޭޝަންގެ ފަޔަރ ފައިޓަރުން ވަނީ އެ ސަރަހައްދަށް ގޮސް، މިއަދު 11:45 ހާއިރު އަލިފާން ނިއްވާލާފައި ކަމުގައެވެ.

މި ހާދިސާގައި އެއްވެސް މީހަކަށް އަނިޔާވިކަމުގެ ރިޕޯޓް ލިބިފައި ނުވެއެވެ.