ފްރެންޗް ލީގްގައި ޕީއެސްޖީ މޮޅުވެ ދެވަނައަށް ޖެހިލިއިފިއެވެ.
ލީގުގައި އަމިއްލަ ރަށުގައި ޕީއެސްޖީ މެޗު ކާމިޔާބުކުރީ ލޮރިއެންޓްއާ ވާދަކޮށް 2-0 ލަނޑުންނެވެ. މެޗުގައި ޕީއެސްޖީއަށް ލަނޑުތައް ކާމިޔާބުކޮށްދިނީ ކައިލަން އެމްބާޕޭ އާއި މޮއިސްކީންއެވެ. މިމެޗުގައި ލޮރިއެންޓްގެ އެންޑްރޫ ރަވިލޮން އަށްވަނީ ރަތްކާޑު ދައްކާފައެވެ.
މިއީ އެންބާޕޭ ޕީއެސްޖީއަށް ކާމިޔާބު ކޮށްދިން 103 ވަނަ ލަނޑެވެ. ރޭގައި ޖެހި ލަނޑާއެކު ކީން ވަނީ އެންމެފަހުން ލީގުގައި ކުޅުނު 9 މެޗުގައި 6 ލަނޑު ޕީއެސްޖީއަށް ކާމިޔާބުކޮށްދީފައެވެ. މި ނަތީޖާ އެކު ލީގުގެ އެއްވަނާގައި ލިލް އޮތީ 32 ޕޮއިންޓާއެކުއެވެ. ލިލްއަށް ވުރެ އެއްޕޮއިންޓް މަދުން ހޯދައިގެން ޕީއެސްޖީ ދެވަނައިގަ އޮތްއިރު ރޭގައި އެއްވަރުވި ލިޔޯން އޮތީ 30 ޕޮއިންޓާއެކު ތިންވަނައިގައެވެ. ރެންނައިސް އަތުން މާސޭ ރޭގައި ބަލިވި ނަމަވެސް އެޓީމު ހަތަރުވަނައިގަ އޮތީ 27 ޕޮއިންޓާއެކުއެވެ.
ކޮމެންޓު ފޮނުވާ