މަޝްހޫރު ފްރެންޗައިޒް "ބޫލް ބުލައްޔާ" ގެ ތިން ވަނަ ފިލްމް އިން އޭގެ ފުރަތަމަ ފިލްމްގައި ލީޑު ރޯލު ކުޅުނު އަކްޝޭ ކުމާރު ނުފެންނާނެ ކަމަށް ޑައިރެކްތަރު އަނިސް ބާޒްމީ ބުނެފިއެވެ.
މީގެ ތިންވަނަ ބައެއްގެ މަސައްކަތް ބާރު ސްޕީޑުގައި ކުރަމުން އަންނަ އިރުގައި އަކްޝޭ ނުފެންނާނެ ކަމަށް ބުނި އިރުގައި މީގެ ދެވަނަ ބައިން ވެސް އަކްޝޭ ފެނިގެން ގޮސްފައިއެއް ނުވެއެވެ.
2007 ވަނަ އަހަރު ގެނެސްދިން ކާމިޔާބު ކޮމެޑީ ހޮރޯ "ބޫލް ބުލައްޔާ" އަކީ ބެލުންތެރިންގެ ބޮޑު ތަރުހީބެއް ލިބިގެންދިއަ ފިލްއެކެވެ. ވިދްޔާ އާއި އެކުގައި ފިލްމްގެ ކާސްޓުން އަކްޝޭ ކުމާރު، ޝެނީ ޝާހް، އަމީޝާ ޕަޓޭލް، ޕަރޭޝް ރާވަލް އަދި ރާޖްޕާލް ޔާދަވް ހިމެނެއެވެ.
މީގެ ދެވަނަ ބައެއް 2022 ވަނަ އަހަރުގައި ވެސް ވަނީ ގެނެސްދިފައިއެވެ. އެ ފިލްމްގެ ނަމަކީ "ބޫލް ބުލައްޔާ 2″ އެވެ. އެފިލްމްގެ ލީޑުން ފެނިގެންދިއައީ ޒުވާން އެކްޓަރު ކާތިކް އާރިޔާން އާއި ކިއާރާ އަދުވާނީ އަދި ތާބޫއެވެ. އެ ފިލްމް ވެގެން ގޮސްފައިވަނީ ފުރަތަމަ ފިލްމްއެކޭ އެއްގޮތަށް ވަރަށް ކާމިޔާބު ފިލްމްއަކަށެވެ.
އެ ކާމިޔާބާއި އެކުގައި ޑައިރެކްޓަރު ވަނީ އޭގެ ތިންވަނަ ފިލްމްއެއް އިއުލާން ކޮށްފައިއެވެ. އެފިލްމްގެ ޝޫޓިން ފެށުމުގެ ތައްޔާރީތަށް ބާރު ސްޕީޑުގައި ކުރަމުން އަންނަ އިރުގައި އަންނަ މަހުގައި ޝޫޓިން ފެށޭވަރު ވާނެއެވެ.
އެއާއި އެކުގައި މިހާރު ވަނީ މި ފިލްމް އިން ކާތިކް އާރިޔާން އާއި އެކުގައި މިގެ ފުރަތަމަ ފިލްމް އިން ޖިންނި އަވަލި މީހެއްގެ ރޯލު ކުޅުނު ބަތަލާ ވިދިއާ ބާލަން، ފެނިގެންދާނެ ކަން އިއުލާން ކޮށްފައިއެވެ. އަދި މި ފިލްމް އިން މާދުރީވެސް ފެނިގެންދާނެ ކަމަށް މައުލޫމާތު ލިބެއެއެވެ.
